Ахсынньы 7 күнүгэр И.И. Артамонов 90 сааһыгар аналлаах "Дойдум кэрэтэ сүрэхпэр" улуустааҕы уоланнар хоһоон ааҕыыларын күрэҕэ поэт төрөөбүт Арыылааҕар буолан ааста. Гран-При хаһаайынынан Олег Докторов (Бэйдиҥэ 11 кыл) сал. М.И. Говорова, лауреат Айтал Карамзин (Орто Эбэ сүрүн оск 7 кыл) сал. Н.А. Говорова, дипломан Бэйдиҥэ орто оскуолатын 9 кыл үөрэнээччитэ Мичил Винокуров (сал. М.И. Говорова), "Көрөөччү биһирэбилэ" анал аат Виталий Саввиновка (Бэйдиҥэ 9 кыл) иҥэрилиннэ.
Ол кэннэ поэт хоһооннорунан "Ыллыыр миэхэ күөрэгэй" улуустааҕы ырыа күрэҕэ ыытылынна. Күрэх икки бөлөҕүнэн буолла: бастакы бөлөххө лауреат Арыылаахтан Олег Докторов, дипломант Бороҕонтон Кондратий Герасимов, "Ырыа аргыстаах" анал аат хаһаайынынан Сыырдаахтан Андрей Васильев буоллулар. Иккис бөлөххө лауреат I үрдэлэ ааты Сыырдаахтан Александра Портнягина, лауреат II үрдэлэ ааты Арыылаахтан Мария Говорова, лауреат III үрдэлэ ааты Елена Протопопова ыллылар. Дипломант I үрдэлэ Александра Жирковаҕа (Бэйдиҥэ), дипломант II үрдэлэ Лилия Бурцеваҕа (Сыырдаах), дипломант III үрдэлэ Татьяна Винокурова (Бэйдиҥэ), "Иэйиилээх ырыаһыт" анал аат Екатерина Ушницкая (Өнөр) туттарылыннылар. Муҥутуур кыайыылааҕынан Өнөртөн Ион Лукочевскай буолан И.Н. Гоголева оҕолоро олохтообут бириистэринэн наҕараадаланна.
