Маяҕас библиотекатыгар Саха литературатын төрүттээччи, учуонай, общественнай государственнай деятель П.А. Ойуунускай 125 сылыгар аналлаах «Мин өлүөм дьүһүнүм сүтүөҕэ. Мин буорум отунан үүнүөҕэ. Кэрэһим кэннибэр хаалларым. Кэхтибэт кэрэкэ тылларым» администрация үлэһиттэригэр информационнай чаас ыытыллынна.

Майаҕас орто оскуолатыгар 1-4 кылаас оҕолоругар кылаас чааһа, П.А. Ойуунускай хоһооннорун дорҕоонноохтук ааҕыы, айымньыларынан уруһуй күрэҕэ. 5-11 кылаас оҕолоругар кылаас чааһа, литературнай монтаж, Ойуунускай хоһооннорун ааҕыыга күрэх ыытыллынна. « П.А. Ойуунускай олоҕо, айар үлэтэ», ТОК оонньуу, выставка алын кылаас оҕолоро төрөппүттэрин кытта бииргэ ыытыллынна. «Өркөн өй» Ойуунускайга аналлаах интеллектуальнай күрэх начальнай кылаас оҕолоро эбээлэринэн, ийэлэринэн кытыннылар. "Чуораанчык" детсад воспитателлэригэр П.А. Ойуунускайга аналлаах "ТОК" оонньуу ыыттылар.

Найахы модельнай библиотекатыгар Ойуунускай 125 сылыгар «Кэскил күн кэрэһитэ» өркөн өй күрэҕэ ыытыллынна. «Кэхтибэт кэрэкэ тылларым» хоһоон күрэҕэ буолла. Кыайыылаахтар дьаралык суруктары туттулар.

Платон Алексеевич Ойуунускай нэдиэлэтин түмүктүүр тэрээһиҥҥэ айымньыларын инсценировкалары, олонхоттон быһа тардыылары үөрэнээччилэр толорон көрдөрдүлэр. Нэдиэлэ түмүгүнэн кыайыылаахтар наҕараадаланнылар, бастыҥнар ааттара ааттанна.

Уһун-Күөл библиотекатыгар П.А. Ойуунускай 125 сылыгар аналлаах выставка обзора. Олонхо – фольклор муҥур чыпчаала беседа. Олонхо мультиктарын көрүүтэ «Саха остуоруйалара уонна олонхо» викторина ыытыллынна.

Курбуһах библиотекатыгар оскуола оҕолоругар начальнай кылаас үөрэнээччилэригэр беседа, кинигэ выставкатын обзорун оҥордулар. Үрдүкү кылаас оҕолоругар хамаандаларын икки ардыларыгар Ойуунускайга аналлаах ТОК оонньуу ыытыллынна, хамаандаҕа үөрэнээччи, төрөппүт уонна эбээ эбэтэр эһээ кытынна.

Бэйдиҥэ библиотекатыгар начальнай кылаас үөрэнээччилэригэр беседа, кинигэ выставкатын обзора, кэпсээннэрин ааҕан ырыттылар.

Олонхо нэдиэлэтинэн начальнай кылааска «Өлтөх олоҥхоһуттара» билсии, выставка.

«Туйаарар туойбута» диэн дьоро киэһээ ыытыллынна. Тэрилтэлэр икки ардыларыгар П.А. Ойуунускай хоһооннорун ааҕыы күрэҕин көрүү (кэтэхтэн кыттыы). Оскуола оҕолоругар хоһоон ааҕыыта, оҕо хараҕынан уруһуй конкурса, өйтөн суруйуу. «Муҥха олонхото» эдэр ыччаттар икки ардыларыгар күрэх.

Дүпсэ библиотеката Ойуунускай 125 сылыгар аналлаах неделя түмүктэннэ. Дьыссаат оҕолоругар беседа, остуоруйаны, олонхону кэпсээһин. 9 кылаас, начальнай кылаас оҕолоругар библиотечнай уруоктар, быыстапка, викторина, уруһуй конкурса, хоһоон күрэҕэ, биир кэлим ааҕыы, ырыа буолла. Тэгил МО холбоһук Ойуунускай хоһооннорун аахтылар.

Баатаҕайга оскуола 5-11 кылаас оҕолоругар Платон Алексеевич Ойуунускай 125 сааһыгар аналлаах «Сүдү киһиэхэ сүгүрүйэбит» диэн библиотечнай уруок ыытыллынна. Ойуунускай оҕо сааһын, айымньыларын билиһиннэрдилэр, уолаттар күргүөмүнэн хоһооннорун аахтылар, викторина ыытыллынна. 3-4 кылаас оҕолоругар «Революция уонна Ойуунускай» диэн библиотечнай урок. Алын сүһүөх оҕолоро библиотекаҕа кэлэн олонхо ыйынан П.А. Ойуунускайга аналлаах "Ойуунускай уонна олонхо" диэн оонньууга кыттан бардылар. Оҕолор икки хамаандаҕа арахсан   таабырын, олонхо геройдарын, ребустары таайыыга, толкуйдатар боппуруостарга күрэхтэһэн уонна мүнүүтэҕэ ааҕан бардылар.

Өспөх библиотекатыгар Брейн-ринг, оонньууга комсомол, олонхо, П.А. Ойуунускай 125 сылыгар уонна сомоҕолоһуу темаларынан боппуруостар киирдилэр.

Платон Алексеевич Ойуунускай 125 сааһыгар аналлаах «Мин ырыам ылланыа» диэн литературнай биэчэр буолан ааста. Начальнай кылаас оҕолоро Ойуунускай айымньыларынан инсценировка көрдөрдүлэр. Үрдүкү кылаас оҕолоро хоһоону дорҕоонноохтук ааҕыыга кытыннылар. Кинигэ быыстапката турда. Хоһоон, уруһуй күрэҕэ, викторина ыытылынна. Сэтинньи 21 күнүгэр «Уус-Алдан улууһун юбилейдаах олонхоһуттара диэн библиотечнай уруок, олонхону төһө билэгин диэн викторина ыытылынна. «Олонхо-уус тыл улуу айымньыта, уран өй сүдү көрүнэ» кинигэ быыстапката туруоруллунна. Олонхо туһунан видеоролик көрдөрдө.

Тумул нэһилиэгэр Платон Алексеевич Ойуунускай 125 сылыгар аналлаах, Бороҕон нэһилиэгин олохтоох сельскай модельнай библиотекатыгар аһаҕас аан декадата ыытыллынна. «Мин өлүөм дьүһүнүм сүтүөҕэ. Мин буорум отунан үүнүөҕэ. Кэрэһим кэннибэр хааларым. Кэхтибэт кэрэкэ тылларым» нэһилиэк тэрилтэлэрэ, түмсүүлэрэ П.А. Ойуунускай «Былааһы-Сэбиэккэ!» хоһоонун күргүөмүнэн ааҕыы, видеоҕа устуу. Детсад оҕолоругар, алын сүһүөх үөрэнээччилэргэ «П.А. Ойуунускай оҕо сааһа, айар үлэтэ» библиотечнай уруок, бэсиэдэ ыытыллынна. «П.А. Ойуунускай-саха чулуу уола» өркөн өй, уруһуй күрэхтэрэ, хоһооннорун, кэпсээннэрин дорҕоонноохтук ааҕыылар ыытыллынна. Оскуола оҕолоругар беседа, ТОК оонньуу.

Түүлээх библиотекатыгар "Мин аатым ааттаныа" П.А. Ойуунускай 125 сылыгар аналлаах тематическай биэчэр буолла. Оҕо уһуйааныгар иитиллээччилэригэр «Уус-Алдан улууһун үбүлүөйдээх олоҥхоһуттара" диэн тэрээһиҥҥэ олоҥхоһуттары кэпсээн, медиа-слайданан олоҥхо бухатыырдарын көрдөрдүлэр. Тэрээһиҥҥэ оҕолор көхтөөхтүк боппуруостарга эппиэттээтилэр. Маны таһынан "Улуу убайбыт-Ойуунускай" диэн бэсиэдэ буолла, олоҥхотун кэпсээтибит.

«Аата ааттанар, ырыата ылланар» интеллектуальнай бэйэ оонньуутунан түмүктээтэ, хамаандаларга 12-лии оҕо кытынна, интеллектуальнай оонньуу биэс блокка арахсан оонньонно.

Тиит-Арыы библиотекатыгар ыытыллыбыт тэрээһиннэр "Мин аатым ааттаныа - мин ырыам ылланыа" диэн биэчэр, кинигэ быыстапката. Ойуунускай 125 сыла «Мөккүөр», «Оҕо куйуурдуу турара» инсценировка. Хоһооннору аахтылар. «Былааьы сэбиэккэ» ырыанан тумуктэннэ.

Суотту библиотекатыгар "Мин тохтор тойугум чугдаарыа..." Суотту олохтоох автордара кыттыылаах литературнай киэһэҕэ Суотту библиотекатыгар буолла. "Суотту дьоно 1936 с. Ойуунускай ыһыаҕар кыттыылара. Биир хаартыска кэпсээнэ". Уус уран тыл абылыыр эйгэтин кэрэхсиир дьоммут айымньылара. Тэрээһин видеоҕа уһуллан үйэтитиллиэ.

Ойуунускайга аналлаах декада ыытылла турар. Литературнай киэһэ буолла. Саха улуу суруйааччыта П.А. Ойуунускай 125 сылыгар аналлаах "Өркөн өй, илбистээх тыл тойуксута" литературнай күрэх буолбута кинигэ быстапкалаах, медиапрезентациянан Ойуунускай туһунан кэпсээбитим, ону тэҥэ ватсап нөҥүө викторина, кыайыылаахтарга мэҥэ сурук туттарыллынна.

Бээрийэ библиотекатыгар оҕо уһуйааныгар "Көтөрдөр мунньахтара" оҕолор инсценировкаларын, оҥорбут мультфильмнарын көрдөрдүбүт, хоһоон күрэҕэ буолла, төрөппүттэри ыҥыран

 

Танда бөһүөлэгэр улуустааҕы культура управлениятын тэрийиитинэн

«Нэһилиэктэринэн олоҥхолооһун» бырайыак чэрчитинэн Танда музейа уонна «Түһүлгэ» сынньалаҥ киинэ, олохтоох библиотека сонун тэрээһини ыыттылар. Байаҕантай нэһилиэгин олохтоохторо, детсад оҕотуттан сааһырбыттарыгар тиийэ кэлэн кыттыыны ылан сынньанан, элбэх сонуну билэн астыннылар.

Улууспутугар олоҥхоһуттар олохторун уонна үлэлэрин чинчийиигэ дириҥник хорутан улэлээбит СӨ культуратын үтүөлээх үлэһитэ Мария Захаровна Сивцева - улууска олорон ааспыт олоҥхоһуттар олохторун, олоҥхолорун туһунан киэҥник сырдатта.

Культура управлениятын специалиһа Анна Егоровна Федорова - олоҥхоҕо ыытыллар тэрээһиннэр тустарынан иһитиннэриини оҥордо.

Олоҥхону толорооччу, биллиилэх спортсмен, Өрөспүүбүлүкэҕэ оһуохайга «Дархан этээччи» анал аат хаһаайына Семен Ильич Черноградскай биир дойдулаахтарбыт уонна тус бэйэтэ айбыт олоҥхотун 5 омук тылынан ыллаан иһитиннэрбитин бэл кырачааннар чуумпуран олорон иһиттилэр. Онтон Семен Черноградскай спортка, олоҥхоҕо, оһуохайга ситиһиилэрин туһунан, бэйэтэ хомуйан уонна суруйбут кинигэлэрин быыстапкатын көрбүт эрэ барыта кэрэхсээтэ. ССРС хайыһарга спордун маастара, лаппа сааһыран баран аан дойдуга ыытыллар хайыһар марафоннарыгар ситиһиилээхтик кыттар спорт ветерана, 30 сыл ыстаастаах история учуутала, олоҥхону айааччы уонна олонхоһут, оһуохайга Дархан этээччи... Оҥоруохпун оҥордум, үлэлиэхпин үлэлээтим диэн сууланан олорбот дьиҥ чахчы сэргэх киһи!

Улуу убайбыт ырыата ыллана, аата ааттана туруохтун!