IMG 20181006 WA0006

 

          Алтынньы 8 күнүгэр Дьокуускай куоракка ыытыллыбыт «Көмүс саастаах көхтөөх хотун» бүтүн республикатааҕы күрэххэ биһиги коллегабыт, А.Р. Халдеева аатынан Бороҕоннооҕу модельнай библиотека сэбиэдиссэйэ, Светлана Александровна Прудецкая ситиһиилээхтик кытынна.

        Күрэххэ барыта республика 18 общественнай түмсүүлэрин чилиэннэрэ - Далбар Хотуттар кытыннылар. Светлана Александровна сүүмэрдиир түһүмэҕи ситиһиилээхтик ааһан, нэһилиэгин , улууһун аатын чиэстээхтик көмүскээтэ уонна «Уран Хотун» анал аат кыайыылааҕынан ааттанна. Өрүү инники күөҥҥэ сылдьар , активнай общественнай позициялаах коллегабытын бу үрдүк ситиһиитинэн итиитик – истиҥник эҕэрдэлиибит!

IMG 20181008 WA0001