IMG 20180918 WA0021

     Балаҕан ыйын 17 - 18 күннэригэр С.С. Васильев-Борогонскай аатынан улуустааҕы киин, "Сыккыс", Мындааба, Хомустаах библиотекаларын специалистара, Дьокуускай куораттааҕы музыка уонна Саха сирин норуоттарын фольклорун музейын үлэһитэ Громова О.Н. буоланнар Таатта улууһун Чөркөөх бөһүөлэгэр суруйааччы, тыл үөрэхтээҕэ, общественнай деятель, саха советскай литературатын төрүттээччи П.А. Ойуунускай төрөөбүтэ 125 сылыгар аналлаах «Ойуунускай уонна мин нэһилиэгим» республикатааҕы бырайыакка кыттан кэллилэр.

 

     Бастакы күн библиотекардар П.А. Ойуунускай аатынан Чөркөөх орто оскуолатын үөрэнээччилэрин кытта көрүстүлэр. Киин библиотека кыраайы үөрэтэр салаатын сэбиэдиссэйэ Павлова О.Н. «Ойуунускай уонна Чараҥ ыһыаҕа», «Сыккыс» библиотекара Готовцева А.Н. «Дорообо, туйгун кыыс, Өрүүчэ» хоһоон геройа Олесова И.Д. олоҕо, үлэтэ» диэн бэсиэдэлэри аахтылар. Оҕо библиотекатыттан Гоголева Н.В. поэт олоҕун , айар үлэтин туһунан викторина ыытта, Громова О.Н. П.А. Ойуунускай «Дьулуруйар Ньургун Боотур» олоҥхотун Колесов Г.Г. эталоннай толоруутугар олоҥхо- мультипликационнай дьүһүйүүнү көрдөрдө. Салгыы делегация Чөркөөхтөөҕү П.А. Ойуунускай аатынан судаарыстыбыннас историятын музейыгар сырытта, нэһилиэнньэни кытта көрсөн лекция аахта.
     Иккис күн Уус-Алдан библиотекардара поэт айымньыларынан туруоруллубут памятниктары сөҕө –махтайа көрдүлэр, сайылык алааһыгар Тохтобулга, төрөөбүт алааһыгар Муҥха Дэлбэрийбиккэ сылдьан үөрэммит оскуолатын , буор кута көмүллэ сытар сирин, төрөөбүт, олорбут балаҕанын, ийэтин, аҕатын уҥуохтарын көрдүлэр. Салгыы Аргунов И.А. аатынан Ытык - Күөллээҕи киин библиотека коллективын кытта төгүрүк остуолга кытыннылар. Бу сырыы биир саамай умнуллубат түгэнинэн библиотекардар Ойуунускай төрөөбүт алааһыгар, поэт айымньыларынан памятниктар тастарыгар, кини өлбөт –сүппэт хоһооннорунан литературнай монтаһы видеоҕа устан үйэтитиилэрэ буолла.IMG 20180918 WA0022IMG 20180920 WA0008

 

IMG 20180920 WA0010IMG 20180920 WA0012