Төрөөбүт тыл сурук-бичик күнүгэр аналлаах тургутукка кытын, бэйэҕин бэрэбиэркэлэн! https://onlinetestpad.com/lbzf6v65nzye4 

Олунньу 9 күнүгэр Национальнай библиотека историческай залыгар биир дойдулаахпыт, СР культуратын үтүөлээх үлэһитэ, В.В. Никифоров-Күлүмнүүр аатынан Государственнай бириэмийэ лауреата, журналист Иван Ущницкай "Саха саргыта" диэн альманаҕын сүрэхтэниитэ буолан ааста. Эдэр сааһыгар "Эдэр саас", орто сааһыгар "Орто дойду" хаһыаттары иилээн-саҕалаан таһааттарбыт Иван Ущницкай өр сылларга иитиэхтээн сылдьыбыт баҕа санаата олоххо киирбит умнуллубат түгэнин журналистар Валентина Бочонина, Олег Сидоров ис киирбэхтик ыыттылар. Сүрэхтэниигэ автордартан историк, кыраайы үөрэтээччи, РФ, СР культуратын үтүөлээх үлэһитэ Егор Шишигин, чинчийээччи, журналист Зоя Петухова, историческай наука кандидата Мария Старостина, журналист, краевед Павел Пермяков-Тэлэкэ, Олег Сидоров бэйэтэ уонна кэлбит ыалдьыттартан Нь.М. Стручкова, А.С. Борисов, И.И. Николаев о.д.а. санаа атастастылар, элбэх эҕэрдэ тылларын, альманах салгыы тахсыытыгар үтүө баҕа санааларын эттилэр.

Олунньу ый 9 күнүгэр “Айар” кинигэ кыһата тэҥҥэ үлэлэһэр суруйааччыларыгар, тэрилтэлэригэр “Айардыын” бииргэ. Сыл бастыҥнара-2022” бириэмийэ туттарыытын тэрээһинин ыытта. Уопсайа 28 номинация олохтоммутуттан, Уус Алданнааҕы нэһилиэктэр икки ардыларынааҕы кииннэммит библиотекабыт тиһигэ “БАСТЫҤ ПАРТНЕР: Ааҕыыны көҕүлээччи” II степеннээх дипломунан уонна 7 тыһ. солк. кинигэ продукциятын ылыыга сертификатынан наҕаарадаланна! “Бастыҥ партнер” үрдүк ааты ылыыбыт бу улууспут уопсай ситиһиитэ.