Бүгүн, кулун тутар 3 күнүгэр С.С. Васильев-Борогонскай аатынан улуустааҕы киин библиотека куйаар ситимин нөҥүө үлэлиир саалатыгар, Саха сирин учуонайа Кривошапкин К.К. айбыт "Сигорост" биоорганическай уоҕурдуутун тула көрсүһүү ыытылынна. Көрсүһүүгэ оҕуруот аһын, сибэккини таптаан үүннэрэр нэһилиэкпит олохтоохторо кэлэн көхтөөх кыттыыны ыллылар, учуонайтан видео нөҥүө сүбэлэри иһиттилэр, уоҕурдуунан туһаммыт оҕуруоччуттар санааларын, сыанабылларын билистилэр.