Үөрэнээччилэр хамаандаҕа арахсан, билсэн, тыл оонньуутугар, бырайыак оҥоруутугар кыттан, "Күн" оҕо хамсааһынын үлэтин билсэн, бу хамсааһыҥҥа бары баҕа өттүлэринэн киирэн, ҺӨҔҮҤ челленджка кыттан, төрөөбүт тылбытын харыстыыр, сайыннарар туһугар турунуоҕуҥ диэн ыҥырыы ылыннылар.
Тэрээһин ыалдьытынан өрөспүүбүлүкэҕэ "Сахат" авторскай

оскуоланы төрүттээччи Анатолий Аркадьевич Бурнашев оҕолорго төрөөбүт тылга сыһыан туһунан сырдатан, сүбэ - ама биэрдэ. Өрөспүүбүлүкэтээҕи төрүт көрүҥнэри сайыннарар киинтэн Надежда Николаевна Белолюбская саха төрүт оонньууларыгар, хаамыскаҕа, хабылыкка маастар кылаас ыыппытын оҕолор сэҥээрдилэр, оонньоон көрдүлэр. Мүрүтээҕи "Уолан" гимназия 5 кылааһын үөрэнээччитэ Айдар Васильев бэйэтэ оҥорбут сахалыы лото оонньууларын оонньотон, киэҥ кэрэхсэбили ылла.
Тэрээһиҥҥэ төрөөбүт ийэ тылбытын сайыннарар инниттэн улуустааҕы угуйук - оруолуктар күрэхтэрин түмүгүн билиһиннэрдибит.
🔸I миэстэҕэ "Уолан" бөлөх уонна "Ситим" медиа студия (Найахы орто оскуолата);
🔸II миэстэҕэ Орто Эбэ анал коррекционнай оскуола - интернат үөрэнээччилэрэ (Арыылаах);
🔸III миэстэҕэ - Мүрүтээҕи "Уолан" гимназия 6 кылааһын үөрэнээччитэ Антон Неустроев таҕыста. Махтал суругунан Танда орто оскуолатын 11 кылааһын үөрэнээччилэрэ бэлиэтэннилэр. Күрэх кыайыылаахтара анал бирииһинэн наҕараадаланнылар.
Бүгүҥҥү тэрээһинтэн оҕолор саҥаны, сонуну истэн - билэн, төрөөбүт ийэ тылбыт харысхаллаах, инникилээх буоларын туһугар үлэбит үтүө түмүктээх буолуо диэн
санаалаах тарҕастылар🙌

https://t.me/LfvVQNnFzjE3ZTA6/4490