Бүгүн тохсунньу 26 күнүгэр, Г.В.Егоров аатынан Мүрү 1 нүөмэрдээх орто оскуолатыгар XX-c "Будущий дипломат" муниципальнай куонкурус кыттыылаахтарыгар "Дьон туһугар анаммыт олох" диэн Саха Өрөспүүбүлүкэтин тас сибээскэ миниистирэ,  Монголия Эрдэнэт куоратыгар РФ Генеральнай консула, Саха Өрөспүүбүлүкэтин норуотун хаһаайыстыбатын үтүөлээх үлэһитэ, Уус-Алдан улууһун бочуоттаах гражданина Мигалкин Александр Васильевич  Мүрү орто оскуолатын 1975 сыллааҕы выпускнигын туһунан кинигэнэн быыстапканы,

"Алгыс" кыраайы үөрэтэр салаа библиотекара Мария Заболоцкая билиһиннэрдэ.

Бу куонкуруска барыта улууспут оскуолаларыттан 18 оҕо күөн көрсө сылдьаллар уонна ыҥырыылаах ыалдьыттар А.В. Мигалкины кытта устудьуон эрдэҕиттэн олоҕун устатын тухары доҕордоспут I  кылаастаах дипломатическай рангалаах сүбэһит, Россия дипломаттарын Ассоциациятын Сэбиэтин чилиэнэ, Саха Өрөспүүбүлүкэтин норуотун хаһаайыстыбатын үтүөлээх үлэһитэ, Саха Өрөспүүбүлүкэтин үөрэҕириитин туйгуна  Николай Васильевич Дьяконов, "Интерсфера" автономнай некоммерческай түмсүү чилиэнэ Илья Нагайцев, Мүрү 2 нүөмэрдээх орто оскуолатын дириэктэрэ Алексей Мигалкин, үөрэх управлениетын начальнигын солбуйааччы Иван Никонов бааллар.