Бүгүн Ю. Прокопьев аатынан судаарыстыбаннай бириэмийэ лауреата, Саха Республикатын уонна Уус-Алдан улууһун Ытык киһитэ, Россия Федерациятын Үлэҕэ Геройа, Үлэ Албан Аатын уордьаннарын толору кавалера, Саха сирин норуотун хаһаайыстыбатын үтүөлээх үлэһитэ Михаил Николаевич Готовцев 80 сааһын туолар үбүлүөйүн бэлиэтиир. 

Герой бүгүҥҥү күҥҥэ да производствоттан арахсыбат, кини "Удьуор" диэн бааһынай хаһаайыстыбатын салайааччыта, төрөөбүт Тандатыгар, Уус-Алдан улууһугар олорор уонна үлэлиир.

Ытыктабыллаах Михаил Николаевич!

Үбүлүөйдээх күҥҥүнэн итиитик-истиҥник эҕэрдэлиибит! Олоҕун тухары бары сатабылгын таптыыр дьыалаҕар– сүөһү иитиитин уонна тыа хаһаайыстыбатын сайыннарыыга анаабытыҥ. Сыралаах үлэҕинэн номоххо киирбит киһинэн буолаҕын. Эйиэхэ кытаанах доруобуйаны, чэбдик санааны уонна олохтон дуоһуйууну баҕарабыт! Эн үлэҥ суола – идэҕэр бэриниилээх буолуу уонна үрдүк профессионализм кэрэ холобура. Үтүө суобастаах үлэҕэр уонна төрөөбүт сиргэр бэриниигэр махтанабыт! Эйигинэн киэн туттабыт!

Михаил Николаевич Готовцев холобур буолар үлэҕэ анаабыт олоҕун туһунан бу сигэнэн киирэн электроннай библиотекаҕа уонна рутуб каналга билсэргитигэр ыҥырабыт.

https://e.uacbs.ru/geroi-ulusa/147-gotovtsev-mikhail-nikolaevich.html

Рутуб каналга:

https://rutube.ru/video/26d9b5e2cbb3b6d6a72fcd73f267d3dd/?playlist=1002384

https://rutube.ru/video/afc4e2c880e35e5fdd5a753ebc7afd19/?playlist=1002384