Ахсынньы 20 күнүгэр С.С. Васильев-Борогонскай аатынан улуустааҕы киин библиотекаҕа Мүрү нэһилиэгин бочуоттаах олохтооҕо, Россия, Саха сирин суруналыыстарын сойууһун чилиэнэ, Саха Өрөспүүбүлүкэтин үөрэҕириитин бочуоттаах бэтэрээнэ, үөрэҕирии туйгуна, уопсастыбаннай кэрэспэдьиэн, алгысчыт Владимир Иннокентьевич Колесов аатын үйэтитэр саҥа кинигэ сүрэхтэниитэ ыытылынна. Тэрээһиҥҥэ Мүрү аҕыс кылаастаах уонна кэлин Мүрү 2 нүөмэрдээх, Мүрү 1 нүөмэрдээх оскуолаларыгар, Мындаабатааҕы спортивнай лицейгэ үүнэр көлүөнэни иитиигэ-үөрэтиигэ эн-мин дэһэн бииргэ үлэлээбит биир идэлээхтэрэ, киэҥ өрүттээх общественнай үлэтигэр алтыһан ааспыт доҕотторо, үөрэппит оҕолоро, уруу-аймах дьоно, дьиэ кэргэнэ түмсэн, истиҥ ахтыылары оҥордулар, саҥа кинигэ күн сирин көрбүт үөрүүтүн үллэһиннилэр. Бу дьоһун кинигэ "Саха сирин киэн туттар дьоно" серияҕа Владимир Иннокентьевич бу дьыл ахсынньы 28 күнүгэр төрөөбүтэ 80 сылын туолуутун көрсө күн сирин көрбүтэ кэрэхсэбиллээх. Кинигэ ытык киһибит үтүө аатыгар үйэлээх өйдөбүнньүк буола туруоҕа.

А.Н. Готовцева, "Сыккыс" библиотека библиотекара

Колесов Владимир Иннокентьевичка талыллыбыт матырыйааллары билсэргитигэр ыҥырабыт!

https://e.uacbs.ru/narodnoe-obrazovanie/326-kolesov-vladimir-innokentevich.html