Бүгүн ахсынньы 10 күнүгэр улуустааҕы киин библиотека ааҕар саалатыгар Россия Геройдарын уонна РФ Конституциятын күннэрин иитинэн эдэр гражданнарга пааспары үөрүүлээх быһыыга-майгыга туттарыы буолла.

Тэрээһиҥҥэ правовой информация Киинин сэбиэдиссэйэ С.В.Алексеева Россия Конституциятын туһунан иһитиннэриини оҥордо.

Тэрээһиҥҥэ кыттыыны ыллылар улуус дьаһалтатын солбуйар баһылыга Г.Ф.Аргунов, паспортнай миграционнай сулууспа салайааччыта А.Т.Окоемова, “Мин докумуоннарым” элбэх хайысхалаах киин салайааччыта М.А.Рожина, “Бастыҥнар хамсааһыннара” улуустааҕы салаатын салайааччыта А.В.Бережнова кыттыыны ыллылар, оҕолорго эҕэрдэ тылларын, баҕа санааларын тиэртилэр. Мүрүтээҕи Уолан гимназия 5 кылаас үөрэнээччитэ Ньургун Слепцов ылбаҕай ырыатынан эҕэрдэлээтэ.

Бүгүҥҥү күнтэн эдэр гражданнар ийэ дойдуларын, республикаларын, төрөөбүт улуустарын чиэһин көмүскүүр, бэриниилээх буолууга эппиэтинэһи сүгэллэригэр эрэнэбит.