Муус устар ый 2 күнүгэр «Аан дойдутааҕы оҕо кинигэтин күнүн” бэлиэтээн суруйааччылар остуоруйаларыгар таайбараҥ ыытылынна, саҥа тахсыбыт кинигэлэри кытары билистилэр.

     “Чуораанчык до5отторо” диэн ааттаах “Чуораанчык” , «Колокольчик» сурунаал устун оонньуу-айан буолла. Манна сурунаал рубрикаларын, конкурстарын, анал таһаарыыларын билистилэр. Бу күн, сурунаал 2017 сыл бүтүүтүгэр ыыппыт “Ыт - сыл кэрэһитэ” ыт оҥоһугар конкурска кыттан сурунаал анал номинацияларынан бэлиэтэммит, миэстэлэспит оҕолору эҕэрдэлээтибит. Оҕолор төрөппүттэринээн оҥорбут оҥоһуктара Дьокуускай куоракка араас быыстапкаларга, тэрээһиннэргэ туран оҕо-аймах, дьон-сэргэ махталын ылла. Конкурска кыттыбыт оҕолор «Чуораанчык доҕотторо» диэн удостоверение ылан, кулууп чилиэнинэн буоллулар.

 

       “Ыт - сыл кэрэһитэ” республиканскай ыт оҥоһугун конкурсугар уопсайа 224 үлэттэн, биһиги улуустан уһуйаан иитиллээччилэрин ортотугар III миэстэни Тарская Сахалена (“Чэчир” уһуйаан иитиллээччиттэ,Бэйдиҥэ сэлиэнньэтэ), II миэстэни Румянцева Күннэй, (“Эрэлчээнэ” уһуйаан Чэриктэй сэл) , I миэстэҕэ Васильева Виолетта ,(“Күнчээнэ” уһуйаан, Мындааба сэлиэнньэтэ) ыллылар. Маны таһынан 24 оҕо анал номинациянан бэлиэтэнэн , “Чуораанчык” сурунаал редакциятыттан дипломнары , бэлэхтэри тутан үөрдүлэр-көттүлэр.

       Муус устар ыйга бэлиэтэнэр Чыычаахтар Аан дойдутааҕы күннэригэр анаан, «Хотоҕойдоохтор” диэн көтөр кынаттаахтарга анаан «Дьиктилээх хонуу» ыытылынна. Сыл көтөрүн - Собоһут (Скопа) хотой бииһин туһунан билистилэр, көтөр кынаттаахтар тустарынан араас интэриэһинэй чахчылары билистилэр, библиотека5а баар кинигэлэри, сурунааллары көрдүлэр.

       Оҕо суруйааччыта, поэт Сергей Михалков төрөөбүтэ 105 сылыгар анаан “Оҕо сааһым поэта” диэн уһуйаан иитиллээччилэрин икки ардыларыгар улуустааҕы хоһоон конкурса ыытылынна. Манна барыта 50 оҕо кыттыыны ылла. Конкурс орто, улахан уонна бэлэмнэнии бөлөх группаларга арахсан сыаналанна. Орто бөлөххө “Дорҕоонноохтук ааҕыы” анал аатынан бэлиэтэннэ Егорова Надя (“Мүрүчээнэ” уһуйаан), “За сценический образ” анал аатынан “ Мүрүчээнэ” уһуйаантан Москвитина Сайаана , Дипломунан Матвеев Никандр наҕараадаланна.(“Чуораанчык “ уһуйаан Тит Арыы бөһүөлэгэ).

       III степэннээх дипломунан –Андросова Карина (“Кэскил “уһуйаан) , II степэннээх дипломунан – Данилова Милана (Сыырдаах) , I степэннээх дипломунан Ушницкая Сардана (“Мүрүчээнэ” уһуйаан)бэлиэтэннилэр.

     Улахан бөлөххө “Дорҕоонноохтук ааҕыы” анал бирииһинэн – Алексеева Лилия (“Мүрүчээнэ”), Дипломунан Дмитриева Айгуль (“Мичээр”), III степэннээх дипломунан Окоемова Наташа (“Мүрүчээнэ”) , II степэннээх дипломунан Мигалкина Настя (“Сардаана”), I степэннээх дипломунан Аргунова Уруйдаана (“Сардаана” уһуйаан).

      Бэлэмнэнии бөлөхтөн “Дорҕоонноохтук ааҕыы” анал аакка тигистэ Румянцева Рада (уһуйаан ,Өспөх ) , Дипломунан бэлиэтэннэ Атласова Милана (“”Тулуна) , III степэннээх дипломунан – Скрябин Максим (“Мүрүчээнэ”) , II степэннээх дипломунан Бурнашева Нарыйаана (“Мичээр” уһуйаан) ,I степэннээх дипломунан –Гоголева Дарийка (“Мүрүчээнэ” уһуйаан).

      Оҕо библиотеката ыытар тэрээһиннэригэр көхтөөхтүк кыттыбыт оҕолорго,төрөппүттэргэ, иитээччилэргэ махтанабыт. Оҕолорун кытта тэҥҥэ кинигэ ааҕан, оҕолору ааҕыыга көҕүлүүр, кыһаллар төрөппүттэр элбээн иһэллэрэ биһигини үөрдэр.

      Ааҕыы уонна кинигэ билиҥҥи сайдыылаах олохпутугар сиэр-майгы, ыччаппыт киһи быһыытынан тахсыылаах буоларыгар,олоҕу таба өйдүүрүгэр иитиэхтээхпит.