Ааспыт 2024 сылга Уус Алдан оройуонун биир бөдөҥ хаһаайыстыбата – Партизан Заболоцкай аатынан совхоз тэриллибитэ 50 сыла бэлиэтэммитэ. Совхоз үйэ аҥаардаах кэрдиис кэмнэрин сэгэтэн көрдөрөр, үөрэтэр уонна үйэтитэр, араас сылларга үлэлээн ааспыт дьон ахтыыларынан уонна хаартыскаларынан түмүллүбүт “Күүрээннээх үлэ кэмнэрэ” кинигэ бэчээттэнэн тахсыбыта, сүрэхтэниитэ ыытыллыбыта. Кинигэ матырыйаалларын хомуйууга биһиги коллегаларбыт, нэһилиэк библиотекардара үлэлэспиттэрэ. Бэчээккэ бэлэмнээбит Иван Иванович Колодезниковы кытта библиотека авторскай договоры баттаһан, киэҥ эйгэҕэ куйаар ситимигэр угар быраабы ылан, билигин, “Күүрээннээх үлэ кэмнэрэ” кинигэ улуус Электроннай библиотекатын фондатыгар киирдэ! Ааҕааччы бу кинигэттэн үгүһү билиэ, аҕа көлүөнэ үлэлээн ааспыт сылларын историятыттан холобур ылыа диэн эрэнэбит!

"Күүрээннээх үлэ кэмнэрэ" - https://e.uacbs.ru/cbselib/kraeved/Kuureenneeh_ule/mobile/index.html