Ыам ыйын 15 күнүгэр I Хоро нэһилиэгэр «Буойун. Салайааччы. Кыраайы үөрэтээччи» диэн Аҕа дойду Улуу сэриитин кыттыылааҕа, тыыл , үлэ бэтэрээнэ, СӨ тыатын хаһаайыстыбатын үтүөлээх үлэһитэ, Уус Алдан улууһун, Хоро нэһилиэгин ытык олохтооҕо Николай Алексеевич Орлов төрөөбүтэ 100 сылыгар дьоро киэһэ буолан ааста.

Дьоро киэһэҕэ Н.А. Орлов олоҕун, элбэх өрүттээх үлэтин кэпсиир киэҥ ис хоһоонноох быыстапка туруорулунна,

үгүс ахтыылар , үтүө тыллар этилиннилэр.

С.С. Васильев-Борогонскай аатынан улуустааҕы киин библиотека «Үтүө киһи анала» буклеты бэлэмнээтэ. К.А. Неустроева аатынан Чараҥнааҕы олохтоох библиотека коллектива кинигэ быыстапкатын бэлэмнээтэ, ырытыы оҥордо, Н. А.Орлов суруйбут үлэлэринэн ыйынньык таҥан таһаарда.

Дойдуга бэриниилээх буолуу үтүө холобурун кэпсиир, дириҥ үөрэтэр, кэскиллээх суолталаах үтүө тэрээһин истиҥ  быһыыга-майгыга буолан ааста.