Кулун тутар 25 күнүгэр, Россияҕа культура үлэһитин күнүн көрсө, В.В. Никифоров-Күлүмнүүр аатынан "Тойон Мүрү" Культура дыбарыаһын үрдүк сыанатыгар, культура бастыҥ үлэһиттэрин талар күөн-күрэҕэ ыытылынна. Күрэххэ улуус нэһилиэктэриттэн икки көлүөнэ үлэһиттэриттэн турар 6 хамаанда 4 араас түһүмэххэ күөн күрэстэ: бэйэни билиһиннэрии, бырайыак көмүскээһинэ, талааны көрдөрүү, көрөөччүлэри тардар оонньууну ыытыы. Күрэх түмүгүнэн, Мүрү нэһилиэгин аатыттан кыттыбыт С.С. Васильев-Борогонскай аатынан улуустааҕы киин библиотека хамаандата 3-с үрдэли ылары ситистэ. Үөрэн-көтөн туран эҕэрдэлиибит биир идэлээхтэрбитин, Павлова Ольга Николаевнаны, Заболоцкая Мария Петровнаны!