Бүгүн кулун тутар 5 күнүгэр С.С.Васильев – Борогонскай аатынан киин библиотека ааҕар саалыгар, общественнай политическэй деятель, саха литературатын маҥнайгы историга, критигэ, кыраайы үөрэтээччи "Саха омук" культурнай сырдатар общество салайааччыта Уус Алдан улууһун  2 Лөгөй нэһилиэгиттэн төрүттээх киэн туттар биир дойдулаахпыт, Василий Никанорович Леонтьев, төрөөбүтэ 130 сылыгар аналлаах "Василий Леонтьев олоҕо, үлэтэ" быыстапка турда уонна "Алгыс " кыраайы үөрэтэр отдел салайааччыта О.Н. Павлова бэсиэдэ ыытта.

Тулунаттан 2-с Лөгөй нэһилиэгин баһылыга П.Е.Бурнашев уонна олохтоох музей салайааччыта Ф.Д.Бысыин, Тулуна библиотекатын сэбиэдиссэйэ М.В.Неустроева П.В.Аммосов аатынан Тулуна орто оскуолатын үөрэнээччилэрэ уонна Г.В.Егоров аатынан Мүрү 1 оскуолатын 10 кылааһын үөрэнээччилэрэ сырыттылар.

Бысыин Ф.Д. биир дойдулааҕа үөрэммит Томскай куоратыгар сылдьыбытын, В.Н.Леонтьев олоҕо ситэ үөрэтиллибэккэ, сырдатыллыбакка сылдьарын бэлиэтээн эттэ. Быыстапкаҕа уонна бэсиэдэҕэ сылдьыбыт оҕолор, олус киэҥ билиилээх Сахабыт сирин историятыгар биир туспа суоллаах биир дойдулаахпыт туһунан саҥа иһиттибит диэн санааларын үллэһиннилэр.

Леонтьевка аналлаах быыстапкаҕа  кини туһунан бэчээккэ суруллубут ыстатыйалар, олоҕун, айар үлэтин сырдатар литература, В.Н.Леонтьев аата тиллэригэр күүскэ үлэлэспит В.Н.Протодьяконов үлэлэрэ турдулар.