Төрөөбүт тыл хайа да омукка киһилии киһи буолуутун мэктиэлиир биир сүрүн соҕотох тыына, кута буолар. Хайа да омук төрөөбүт тылын билэр, таптыыр, сыаналыыр кэнчээри ыччаттаах буоллаҕына, тыыннаах буолар, салгыы сайдар, барҕарар кыахтанар. Төрөөбүт тыл уонна сурук-бичик күнүгэр уйгу сирэ Уус Алдаҥҥа С.С.Васильев-Борогонскай аатынан киин библиотека тэрийиитинэн, улуустааҕы "Аман өс" күрэҕэ ыытылынна. Быйылгы күрэх Улуу Кыайыы 80, Саха суругунан литературата 125, Уус Алдан улууһугар тыа хаһаайыстыбатын сылларыгар ананна.

Күрэх кыттааччылара 1 түһүмэххэ буойун поэттар хоһооннорун өйтөн аахтылар, 2 түһүмэххэ тыа хаһаайыстыбатыгар сыһыаннаах тиэмэлэргэ санааларын сааһылаан тиэртилэр, түмүк тахсар кэмигэр интэриэһинэй сорудахтардаах тыл оонньуута тэрилиннэ. Бары кыттааччылар туоһу суруктары, кыайыылахтар добун суруктары кинигэ бэлэҕи тутан сүргэлэрэ көтөҕүлүннэ. Күн иккис аҥарыгар кэлбит ыалдьыттар  "Төрөөбүт тылбыт – сайдар төлкөбүт",  "Бастакы ааҕар кинигэ буукубаар" быыстапкалары сэҥээрэ көрдүлэр.

                                                                                                                                                                                "Алгыс" кыраайы үөрэтэр отдел библиотекара Мария Заболоцкая.