Тэрийээччилэр: Уус Алдан улууһун култуураҕа управлениета, улуустааҕы  нэһилиэктэр икки ардыларынааҕы кииннэммит библиотека тиһигэ,  Сэһэн Ардьакыап аатынан улуус историятын, кыраайы үөрэтэр түмэлэ (Кулантай аатынан литературнай түмэл), «Уһуктуу»  литературнай түмсүү.

Сыала-соруга:

- айар дьоҕуру сайыннарыы, төрөөбүт төрүт тылынан суруйууну көҕүлээһин;

- саҥа суруйар – айар дьоҕурдаах дьону арыйыы.

Ыытыллар бириэмэтэ: 2025 сыл олунньу 1  күнүттэн  кулун тутар 10 күнүгэр диэри.

Кыттааччылар: республика араас муннугар олорор Уус Алдантан төрүттээх уонна улууска олорор 18-тан үөһэ саастаах айар-суруйар дьон.

Айымньы жанра: рифмалаах хоһоон, тэттик кэпсээн.

Тиэмэтэ: Аҕа дойдуга бэриниилээх буолуу, ытык иэһи толорон дойдуну көмүскээһин

Дьүүл тосхоллоро: айымньы киэбин уонна сурук үгэһин туттуу, тиэмэ сонуна, арыллыыта, айымньы номоҕо, тыла - өһө, кэпсиир утума, сюжеты оҥоруу.

Уопсай ирдэбиллэр:

  1. Кыттааччы айымньытын А-4 илиискэ 14-тээх сахалыы шрибинэн бэчээттээн электроннай почтаҕа ыытар ыытар (сахалыы шрифт булгуччулаах);
  2. Айымньы иннигэр ааптар толору аата, псевдонима, телефонун нүөмэрэ, электроннай почтата, айымньытын аата суруллар;
  3. Кыттыылаахтар айымньылара Уус Алдан электроннай библиотекатыгар киириэхтэрэ;
  4. Түмүк муус устар ыйга тахсыаҕа.

Кыайыылаахтарга анал дипломнар,  бириистэр, кыттыылаахтарга туоһу суруктар туттарыллыахтара.

Үлэлэри олунньу 1 күнүттэн кулун тутар 10 күнүгэр диэри С.С. Васильев-Борогонскай аатынан улуустааҕы киин библиотека электроннай почтатыгар ыытаҕыт, аадырыһа: Адрес электронной почты защищен от спам-ботов. Для просмотра адреса в вашем браузере должен быть включен Javascript.. Билсэр тел.: 89142910715 (Аммосова Галина Владимировна),