Тохсунньу 27 күнүгэр - Ленинград куорат фашист төгүрүктээһиниттэн бүтэһиктээхтик босхоломмут күнүгэр С.С.Васильев – Борогонскай аатынан улуустааҕы киин библиотека үрдүкү кылаас оҕолоругар уонна нэһилиэнньэҕэ анаан “Ленинграды төгүрүктээһин ыар кэмнэрэ” диэн кэриэстэбил тэрээһини В.В.Никифоров – Күлүмнүүр аатынан “Тойон Мүрү” культура дыбарыаһын кытта тэрийэн ыыттылар. Тэрээһиҥҥэ Ленинград блокадатыгар кыттыыны ылбыт биир дойдулаахтарбыт сырдык ааттарын туһунан көрдөрөр дьүһүйүүнэн Өнөр, Тулуна, Курбуһах орто оскуолаларын үөрэнээччилэрэ кыттыыны ыллылар.


Ыар аччыктааһын кэмин, сэрии алдьархайын ааспыт историятын туһунан кэлбит оҕолор сэҥээрэн, болҕойон иһиттилэр, метроном тыаһынан өйдөбүнньүк мүнүүтэни анаатылар.
Маны таһынан киин библиотека “Ленинград. Блокада. Подвиг.” диэн кинигэнэн турбут быыстапка киэҥ сэҥээриини ылла. Быыстапкаҕа Президентскай библиотека уонна улуустааҕы электроннай библиотека фондаларыттан араас материаллар көрдөрүлүннүлэр, туһанылыннылар.
Киһи-аймах эйэлээх олоҕун айгыраппыт Аҕа дойду сэриитэ үйэлэргэ умнуллуо суоҕа. Уоттаах сэрии кыттыылаахтарын хорсун быһыылара өлбөт-сүппэт үйэлээх.