Ахсынньы 27 күнүгэр, Тумулга, В.М. Прокопьев аатынан орто оскуола Саҥа дьылы бэлиэтиир тэрээһинэ  киэҥ далааьыннаахтык ыытылынна. Үөрүүлээх чааска оскуола бастыҥнара, лауреаттара чиэстэннилэр.

А.Р.Халдеева аатынан Бороҕон модельнай библиотекатын сэбиэдиссэйэ Светлана Александровна Прудецкая   бастыҥ ааҕааччыларыгар сертификаттары, бэлэхтэри туттарда. Ол курдук , «Бастыҥ ааҕар кылаас»  номинацияны 3 кылаас, «Бастыҥ көхтөөх кылаас» номинацияны 8  кылаас,  «Бастыҥ айымньылаах кылаас» номинацияны 11 кылаас үөрэнээччилэрэ ыллылар. 2024 сыл бастыҥ ааҕааччыта буолла Амелия Лексякуна, 3 кылаас үөрэнээччитэ. Нэһилиэк библиотекатын эдэр ааҕааччыларын Саҥа Дьыл саргылаах бырааһынньыгынан эҕэрдэлээн туран библиотеканы бастыҥ доҕор оҥосто туруҥ диэн баҕа санаабытын этэбит!

Үөрүүлээх быһыыга-майгыга улууска библиотека төрүттэммитэ 100 сыллаах үбүлүөйүнэн эҕэрдэлээн туран Халдеевтар, Алексеевтар, Дьячковскайдар аймах нэһилиэк библиотекатыгар отут тыһыынча сууммалаах сертификаты туттардылар. Нэһилиэк библиотекатыгар өрүү өйөбүл , күүс –көмө буолар Халдеевтар, Алексеевтар, Дьячковскайдар аймахха истиҥ махталбытын, кэлэн иһэр саргылаах Саҥа Дьылынан эҕэрдэбитин тиэрдэбит!