Бүгүн, ахсынньы ый 12 күнүгэр, Арассыыйаҕа Дьиэ кэргэн, өрөспүүбүлүкэҕэ Оҕо саас, улууспутугар Аҕа сылынан улуустааҕы оҕо бибилэтиэкэтэ «Территория чтения 3.0» ааҕар дьиэ кэргэттэр ортолоругар улуустааҕы турнир ыытта. Манна барыта аҕыс дьиэ кэргэн кыттан, түөрт түһүмэххэ күрэхтэстилэр. Бастакы түһүмэххэ аан дойду литературатын шедевриттэн 12 боппуруоска эппиэттээтилэр. Иккис турга тылтан тылы таһаарыы, пазл, пантомима таайдылар. Үһүс түһүмэххэ сахабыт сирин ураты кэрэ сирдэрин хаартысканан көрөн таайдылар. Бүтэһик турга оҕо библиотекатын эмблемэтин оҥорууга күрэстэстилэр.
Түөрт түһүмэх түмүгүнэн 1 миэстэни Орто Эбэттэн Надежда Николаевна Саввина сиэнинээн Коля Карамзинныын (3 кылаас, Орто Эбэ сүрүн оскуолата) ыллылар.
Иккис миэстэҕэ Анна Афанасьевна, Василий Васильевич Максимовтар дьиэ кэргэттэрэ кыыстарынаан, Эвелиналыын (4 кылаас, Мүрү №1 дээх орто оскуолата)таҕыстылар.
Үһүс миэстэниВарваөа Гаврильевна Тимофеева уолунаан Мичиллиин (4 кылаас, Мүрү №2 дээх орто оскуолата) ыллылар.
Улуустааҕы ааҕыы турнирыгар кыттыбыт дьиэ кэргэттэрбитигэр махтанабыт, кыайыылаахтарбытын истиҥник эҕэрдэлиибит. Бары бүттүүн дьиэ кэргэнинэн ааҕыы - бу оҕо киһи буолан сайдан тахсарыгар улахан көмөлөөх.