Бүгүн, ахсынньы 11 күнүгэр, С.С. Васильев -Борогонскай аатынан улуустааҕы киин библиотека ааҕар саалатыгар Саха Республикатын норуотун хаһаайыстыбатын үтүөлээх үлэһитэ, педагогическай үлэ ветерана, рационализатор, суруйааччы, Уус Алдан улууһун бочуоттаах олохтооҕо Михаил Николаевич Тролуков төрөөбүтэ 100 сылыгар анаан оҕолоро хомуйан таһааттарбыт “Айар – тутар абылаҥ” кинигэ биһирэмэ истиҥник, иһирэхтик буолан ааста.

Михаил Николаевич төрөөбүтэ 100 сылын чэрчитинэн оҕолоро кини аатын үйэтитэн оҕолорго уонна улахан дьоҥҥо “Айылҕа ийэҕин харыстаа” диэн хоһоону айыыга күрэх уонна улахан дьоҥҥо “Аныгы олох кыһалҕалара” диэн публицистика көрүҥэр күрэх ыытыллан кыайыылаахтар билиннилэр.

Ол курдук хоһоон айыытыгар улахан дьоҥҥо: 1 м. – Парникова Е.С., 2 м. – Иванова М.А., 3 м. – Петухова М.М., биһирэбил – Кудрина М.А. оскуола оҕолоругар 1 м. – Черепанов Олег – Уйукан Саргынай (Мүрү 1 № оск., 11 кылаас), 2 м. – Дмитриева Айхаана (Чэриктэй орто оск., 8 кылаас), 3 м. – Григорьева Дайаана (Бэйдиҥэ орто оск., 10 кылаас). Биһирэбил – Черемкина Полина (Бэйдиҥэ орто оск., 10 кылаас).

Публицистика көрүҥэр: 1 м. – Румянцев Айаал (Өспөх), 2 м. – Клавдия Васильева (Мүрү), 3 м. – Василий Парников.

Бу күрэх спонсордарынан 1975 сылллаах Мүрү 1 дээх орто оскуолатын кыһыл көмүс выпускниктара буолаллар. Кыайыылаахтарга бэйэлэрин бириистэрин туттардылар.