Сэтинньи 13 күнүттэн саҕалаан улуустааҕы кииннэммит библиотека тиһигин библиотекалара Саха Өрөспүүбүлүкэтин бастакы Президенэ Михаил Ефимович Николаев сырдык аатын үйэтитэр тэрээһиннэри далааһыннаахтык ыыттылар. Ол курдук, библиотекаларга, оскуолаларга, тэрилтэлэргэ быыстапкалар, библиотечнай уруоктар, кылаас чаастара, бэсиэдэлэр ыытылыннылар. Баатаҕай, Тулуна, Уһун Күөл библиотекалара

М.Е. Николаев «Бары уруһуйдуубут» бырайыагын чэрчитинэн ыытыллыбыт тэрээһиннэргэ көхтөөхтүк кытыннылар. Баатаҕай, Хоноҕор библиотеката онлайн- викторины ыыттылар. Тиит Арыы библиотеката оҕолорго «Нэһилиэкпит сайдыытыгар М.Е. Николаев үтүөтэ» диэн бэсиэдэ оҥордо.

А.Р. Халдеева аатынан Бороҕон библиотекатын көхтөөх ааҕааччылара Черкашиннар дьиэ кэргэн Хаҥалас улууһун Өктөм «Барҕарыы» сынньалаҥ киинэ ыыппыт өрөспүүбүлүкэтээҕи М.Е. Николаевка анаммыт хоһооннору ааҕыы күрэҕэр I степеннээх лауреат буоллулар.

Барыта улуус библиотекалара М.Е. Николаевка анаммыт тэрээһиннэринэн 1029 киһини хаптылар.