Арассыыйа үрдүнэн Дьиэ кэргэн, Өрөспүүбүлүкэҕэ Оҕо саас сылын чэрчитинэн, биир дойдулаахпыт, саха народнай поэта, оҕо суруйааччыта, суруналыыс, тылбаасчыт Иван Васильевич Мигалкин – Кэрэл төрөөбүтэ 70 сылынан ыытыллар “Оҕо мичээрэ, оҕо үөрүүтэ” өрөспүүбүлүкэтээҕи онлайн уус –уран ааҕыы күрэҕин балаһыанньата.
Тэрийээччилэр: Уус Алдан култуураҕа управленията, Уус Алдан улууһун кииннэммит библиотека тиһигэ, улуустааҕы Дьиэ кэргэн уонна ыччат политикатын управленията, Оҕо
библиотеката
Тиэмэтэ: Дьиэ кэргэнинэн народнай поэт Иван Васильевич Мигалкин остуоруйаларынан
инсценировка, хоһооннорунан уус –уран ааҕыы.
Сыала – соруга:
Иван Мигалкин айымньыларын эдэр көлүөнэҕэ тарҕатыы, оҕо өйүгэр- санаатыгар иҥэрии;

Оҕону дьиэ кэргэнин кытары ааҕыыга көҕүлээһин; төрөөбүт тылга, литератураҕа тапталы иҥэрии;
Оҕону театральнай искусство нөҥүө бэйэ-бэйэлэрин кытта бодоруһар үөрүйэхтэрин сайыннарыы.
Күрэх усулуобуйата : Дьиэ кэргэнинэн ааҕыыга, ийэ, аҕа, эбээ, эһээ, уһуйаан, оскуола саастаах оҕолор бары киириэхтэрин сөп.
Дьүүллүүр сүбэ сыаналыыр көрүҥнэрэ : Ааҕааччылар айымньыны наардаан, айымньы ис туругун истээччигэ тиэрдиитин, видео запись хаачыстыбатын (декорация, фоновай
музыка баара биһирэнэр). Кыттааччылар хоһооннорун ааҕыахтарын иннинэ дьиэ кэргэнин, улууһун, суруйааччы айымньытын аатын этэн баран аахтарыахтаах.
Ирдэбиллэр:
1. Уус – уран ааҕыы, инсценировка видео форматка (телефон экранын сытыары) уһуллан ыытыллар.
2. Кыттааччы ахсаана хааччаҕа суох (дьиэ кэргэнинэн толоруу буолар).
3. Уус – уран ааҕыы, инсценировка уһуна 7 мүнүүтэттэн ордуо суохтаах.
4. Айымньы ис хоһоонун таба арыйыы;
5. Дорҕоонноохтук ааҕыы.
Наҕараадалааһын: Түмүк тахсыытыгар сааһынан хааччахтааһын: 7-9 саастаахтар, 10-12 саастаахтар, 13-16 саастаахтар. Бары кыттааччылар туоһу суругунан, кыайыылаахтар
тэрийээччилэр олохтообут бириистэринэн, грамоталарынан наҕараадаланыахтара.
Сайаапкалары, видеолары 2024 сыл алтынньы ый 18 күнүгэр диэри Адрес электронной почты защищен от спам-ботов. Для просмотра адреса в вашем браузере должен быть включен Javascript. электроннай почтаҕа ыытаргытын күүтэбит. Түмүк алтынньы ый 25 күнүгэр тахсыаҕа.
Сайаапкаҕа кыттааччы дьиэ кэргэн аатын – суолун, улууһун, оҕо оскуолатын, кылааһын, уһуйаанын ыйаҕыт.
Билсэр нүөмэргит: 8-914-289-43-53 (Надежда Васильевна), 8-924-760-13-61 (Варвара Петровна).
Тэрийэр бөлөх

“Оҕо мичээрэ, оҕо үөрүүтэ” өрөспүүбүлүкэтээҕи онлайн уус –уран ааҕыы күрэҕин сайаапката, сөбүлэҥэ