Балаҕан ыйын 14 күнүгэр Суоттуга "Мичээр" СК СӨ профтехүөрэхтээһинин туйгуна, РСФСР профтехүөрэхтээһинин ветерана, Суотту нэһилиэгин бочуоттаах олохтооҕо кыраайы үөрэтээччи С.Д. Федоров 75 сааһын туолар үбүлүөйдээх дататыгар таһаартарбыт "Суоттум кэрэхсэнэр дьоно" кинигэ сүрэхтэниитэ кэрэхсэбиллээхтик ыытылынна.
Кинигэ туһунан мустубут дьон үтүө сыанабылларын, авторга истиҥ эҕэрдэлэрин,

иһирэх ахтыыларын оҥордулар. Мэҥэ Хаҥаластан оҕолоро Прокопий Федоров, Анна Гоголева, улуус кииниттэн Бороҕонтон биир дойдулаахпыт Павел Пермяков - Тэлэкэ, Бээрийэ кыыһа Хотойук Айгыына, Дьокуускай куораттан Д.И. Очинскай сиэнэ Лира Яковлева, Бороҕон нэһилиэгиттэн Светлана Прудецкая, Татьяна Неустроева-Васильева, Виталий Васильев уонна нэһилиэк олохтоохторо кыттыыны ыллылар.
Бу кинигэ улуустааҕы киин библиотекаҕа, нэһилиэк библиотекаларын фондаларыгар бэлэх быһыытынан тиэрдиллэллэр.