«Төрөөбүт Мүрүбүн саныыбын өрүүтүн»

🔆Мүрү нэһилиэгин күнүгэр аналлаах кэтэхтэн уус-уран ааҕыы күрэҕин балаһыанньата📃

⚜️Тэрийээччилэр: Мүрү нэһилиэгин дьаһалтата, С.С.Васильев-Борогонскай аатынан улуустааҕы киин библиотека
⚜️Сыала-соруга:
-Төрөөбүт түөлбэҕэ, Ийэ дойдуга тапталы иҥэрии, бэриниилээх буолууга иитии;
-Оҕо кыра сааһыттан төрөөбүт тыл барҕа баайын, этигэн кэрэтин өйдүүр, санааны сайа этэр дьоҕурун сайыннарыы;
-Айар-суруйар дьоҕурдаах дьону арыйыы, киэҥ эйгэҕэ таһаарыы
⚜️Күрэххэ кыттыы:
Бастакы бөлөх - 1-11 кылаастар үөрэнээччилэрэ;

Иккис бөлөх - 18-35 саастаах ыччат;
Үһүс бөлөх - 35-тэн үөһээ саастаах дьон.
⚜️Күрэх ирдэбилэ: Үөрэнээччилэр, ыччаттар, улахан дьон Мүрү туһунан хоһооннору биирдиилээн эбэтэр бөлөҕүнэн дорҕоонноохтук ааҕан, видеоҕа устан, балаҕан ыйын 4 күнүттэн балаҕан ыйын 12 күнүгэр диэри улуустааҕы киин библиотека электроннай аадырыһыгар Адрес электронной почты защищен от спам-ботов. Для просмотра адреса в вашем браузере должен быть включен Javascript. ыыталлар. Айымньы ис хоһоонун арыйан музыканан, уотунан-күөһүнэн, медианан киэргэтиэхтэрин сөп.
⚜️Мүрү туһунан хоһооннору С.С. Васильев – Борогонскай аатынан киин уонна «Сыккыс» библиотекалар фондаларыттан көрөн талыаххытын сөп.
⚜️Сыаналанар:
-Айымньы тыла-өһө, ис хоһоонун арыйыы;
-Айымньыны итэҕэтиилээхтик толоруу;
-Көстүүм.
⚜️Кыайыылаахтары быһаарыы: Күрэҕи 3 киһиттэн састааптаах дьүүллүүр сүбэ сыаналыаҕа. Күрэх түмүгүнэн бөлөхтөрүнэн кыайыылаахтар быһаарыллыахтара. ⚜️Наҕараадалааһын Мүрү нэһилиэгин күнүн үөрүүлээх тэрээһинин кэмигэр ыытыллыаҕа.