Улууска библиотека тэриллибитэ 100 сыллаах, «Уһуктуу» улуустааҕы айар куттаахтар түмсүүлэрин тэриллибитэ 25 сыллаах үөрүүлээх үбүлүөйдэрин чэрчитинэн «Куорсунтан кынат анньан...» диэн уус-уран хомуурунньук күн сирин көрдө. Хомуурунньукка биир дойдулаахтарбыт - «Куорсун» олохтоох автордар күрэхтэрин кыттыылаахтарын аныгы кэм сытыы боппуруостарын таарыйар уран, хомоҕой суруйуулара,

үлэҕэ, учууталга анаммыт истиҥ- иһирэх тыллаах хоһоонноро киирдилэр. Кинигэ «Айар» кинигэ кыһатыгар бэчээттэнэн таҕыста.
Кинигэни С.С. Васильев-Борогонскай аатынан киин библиотека ааҕааччыны кытта үлэҕэ отделын сэбиэдиссэйэ, «Уһуктуу» улуустааҕы айар куттаахтар түмсүүлэрин салайааччыта Аммосова Галина Владимировна хомуйан оҥордо.