Ыам ыйын 15 күнүгэр Аан дойдутааҕы дьиэ кэргэн күнүн көрсө улуустааҕы киин библиотека ааҕар саалатыгар “Магия фототворчества” тэрээһин буолан ааста. Улуустааҕы дьиэ кэргэн уонна ыччат политикатын управлениетын салайааччыта Андросова В. И. эҕэрдэ тылынан саҕаланна.
Тэрээһиҥҥэ “Өркөн” оҕону эбии үөрэхтээһин киинин “Медиалаб” оҕо креативнай кластерын педагогтара Евдокия Окоемова, Сардаана Иванова хаартыскаҕа түһэрии кистэлэҥнэрин, ньымаларын кэлбит ыалдьыттарга көрдөрдүлэр, кэпсээтилэр. Салгыы “Чэгиэн” түмсүү салайааччыта Александра Черкашина уонна түмсүү чилиэнэ Лариса Исакова эмтээх оту хомуйуу, айылҕа кэрэ, дьикти көстүүлэринэн быыстапкаларын билиһиннэрдилэр. Библиотека үлэһиттэрэ саҥа ааҕааччылары ааҕыыга ыҥыран “Семейнэй формуляры” арыйдылар.

Тэрээһин үөрүүлээх чааһыгар “Дьиэ кэргэнинэн бары ааҕабыт” фотоконкурус түмүгүн улуустааҕы кииннэммит библиотека тиһигин директорын эбээһинэһин толорооччу Копырин И.Д. туттартаата. Ол курдук, 1 м.-Цой Эллина (Мүрү 1 №-дээх орто оск. 8 кыл.үөр-тэ), 2 м. – Ефимова Ася (Мүрү 1№-дээх орто оск. 8 кыл.үөр-тэ), 3 м. – Москвитина А.П. (Мүрү нэһилиэгэ) буоллулар, онтон атын кыттааччыларга анал ааттар туттарылыннылар. Кэрэни кэрэхсиир, ааҕар дьиэ кэргэн инникигэ ситиһиилээх, олоххо сырдыкка тардыһыыта күүстээх.