Улуу Кыайыы 79 сылын көрсө, Н. Н. Тарскай аатынан спорт дыбарыаһыгар үгэс буолбут Аҕа дойду сэриитин, тыыл бэтэрээннэрин уонна бойобуой дьайыылар бэтэрээннэрин бирииһигэр оҕолорго көҥүл тустууга республика аһаҕас турнира буолан ааста.
Манна илин эҥэр улуустан: Уус Алдан, Мэҥэ Хаҥалас, Чурапчы уонна Өймөкөөн хамаандалара күөн көрүстүлэр.

Улуустааҕы оҕо библиотеката "Уруй буоллун Улуу Кыайыыны уһансыбыттарга" диэн ааттаах бэсиэдэнэн уонна улуустааҕы "Умсулҕан" коллекционердар түмсүүлэрин чилиэнэ Анна Михайловна Федорова тус кэллиэксийэтиттэн быыстапка туруоран оҕолор сэҥээриилэрин, интэриэстэрин тартылар.
Кыргыһыы хонуутугар хорсуннук сэриилэһэн, тыыл ыарахан үлэтин санныларыгар сүгэн кыайыыны уһансыбыт биир дойдулаахтарбыт ааттарын үйэтитии уонна кинилэр ытык ааттарыгар сүгүрүйүү барыбыт ытык иэспит буолар.
Ким да умнуллубат, туох да умнуллубат!