Ахсынньы 6 күнүгэр «Знать. Помнить. Чтить.» республикатааҕы патриотическай форум ыытылынна. Бу форумҥа С.С.Васильев – Борогонскай аатынан улуустааҕы киин библиотека “Защита Родины – священный долг” диэн киэҥ ис хоһоонноох кинигэ быыстапкатын, Уус Алдан улууһун “Өлбөт үйэлээх полката” сайты көрдөрөн, билиһиннэрэн кэлбит ыалдьыттар киэҥ сэҥээриилэрин ылла.

 Салгыы кэлбит хамаандалар икки ардыларыгар  «Мы – наследники Великой Победы» квиз-оонньуу ыытылынна. Хамаандалар дойду, байыаннай дьыала уонна улууспут геройдарын туһунан тургутар боппуруостарга тыҥааһыннаахтык кииристилэр. Оонньуу түмүгүнэн 1 миэстэ – Уус Алдан 1-кы хамаандата, 2 миэстэ – Мэҥэ Хаҥалас, 3 миэстэни – Томпо ылары ситистилэр.

Форум тэрийээччилэриттэн биирдэстэринэн СӨ социальнай көмүскэл “Победа” ресурснай киин кылаабынай специалиһа Наталья Ксенофонтовна Васильева улуустааҕы киин библиотеканы кытта ыкса үлэлэһиибит үтүө түмүктээх буоларын тоһоҕолоон бэлиэтээтэ, махтанна.