Курбуһах нэһилиэгэр ахсынньы 2 күнүгэр Е.Ф. Габышев аатынан Оҕо спортивнай оскуолатын иһинэн Курбуһахтааҕы көҥүл тустуу филиала тэриллибитэ 50 сылынан Наум Ермолаев бирииһигэр оҕолорго республикатааҕы турнир буолан ааста.
Бу бэлиэ даатаҕа анаан «Үйэ аҥаара тустуу сайдыытыгар» диэн Наум Ермолаев сырдык кэриэһигэр брошюра күн сирин көрдө.

Брошюраны хомуйан оҥордулар уола Ермолаев Наум Наумович уонна Н.С. Пестряков аатынан Уус-Күөлүнээҕи федеральнай модельнай библиотека сэбиэдиссэйэ М.А. Пестрякова . «Дани- Алмас» ХЭТ бэчээттэнэн таҕыста.
Маны таһынан, Марфа Анатольевна турнир кыттыылаахтарыгар анал быыстапка тэрийдэ, «Курбуһахха тустуу филиалын 50 сыла» буклеты оҥорон бэлэхтээтэ.