Ыам ыйын 18 күнүгэр С.С. Васильев-Борогонскай аатынан Улуустааҕы Киин библиотекаҕа Эдэр библиотекарь оскуолатын иккис дьарыга ыытылынна.

2019 сыл от ыйын 1 күнүттэн Россияҕа саҥа ГОСТ  Р  7.0.100-2018 «Библиографическая    запись.   Библиографическое   описание.   Общие требования  и  правила  составления»   олоххо  киирбитэ.

Справочнай-библиографическай отдел библиографтара А.Е. Аянитова, Л.Д. Копырина, З.И. Данилова Киин библиотека, сельскэй филиаллар эдэр үлэһиттэригэр библиографическай описаниеҕа туттуллар ГОСТ  Р  7.0.100-2018 туһунан, аналитическай описаниеҕа, электроннай ресурстары описаниелааһыҥҥа, Оpac-Glоbаl программаҕа «Саха сирэ» краеведческай ыстатыйалар электроннай даннайдар базаларыгар описаниены оҥорон киллэриигэ практическай занятиены ыыттылар.

2010 сылтан Киин библиотека библиографтара Корпоративнай каталогизацияҕа кыттан республика үрдүнэн Своднай электроннай каталогы оҥорорго үлэлэһэбит. «Мүрү саһарҕата» улуус хаһыатын ыстатыйаларын «Саха сирэ» краеведческай ыстатыйалар электроннай даннайдар базаларыгар Оpac-Glоbаl программанан  киллэрэллэр. 

Библиотека эдэр үлэһиттэрэ көхтөөх кыттыыны ыллылар.

Инникитин былаан быһыытынан үгүс практическай дьарыктар ыытыллыахтара.