photo_5928234434459447447_y.jpg

Бүгүн муус устар 26 күнүгэр улуустааҕы кииннэммит библиотека ааҕар саалатыгар "Мин – Россия гражданинабын" диэн бырайыак чэрчитинэн үөрүүлээх быһыыга-майгыга пааспары туттарыы тэрээһинэ буолан ааста.

Бу бырайыак "Биир Ньыгыл Россия" партия улустааҕы исполкома, кииннэммит библиотека тиһигэ, "Билии" общество улуустааҕы салаата уонна федеральнай миграционнай сулууспа, "Мин докумуоннарым" элбэх өҥөнү оҥорор киин көҕүлээһиннэринэн үтүө үгэскэ кубулуйбут тэрээһиннэртэн биирдэстэрэ буолар. Бүгүҥҥү тэрээһин Республика күнүгэр ананна.

Уус Алдан эдэр олохтоохторугар Россия гражданиннара буолбуттарын туоһулуур докумуону – пааспары туттарыы долгутуулаах уонна үөрүүлээх чааһыгар "Биир Ньыгыл Россия" партия улустааҕы исполкомун толорооччу сэкиритээрэ Ульяна Чердонова, Уус Алданнааҕы миграционнай пуун начальнига, полиция капитана Александра Тимофеевна Окоемова, "Мин докумуоннарым" элбэх өҥөнү оҥорор киин специалиһа Анатолий Гаврильевич Кириллин кытыннылар. Үөрүүлээх быһыыга-майгыга пааспардары уонна эҕэрдэ суруктары уопсайа 8 оҕо ылла.

Төрөппүттэр ааттарыттан эҕэрдэ тылы Саргылана Ивановна Григорьева, эдэр гражданнар ааттарыттан мэктиэ тылы Мүрү 2-с нүөмэрдээх оскуолатын үөрэнээччитэ Эмилия Курилкина эттилэр.

Бүгүҥҥү күнтэн оҕолорбут Ийэ дойдуларын, төрөөбүт улуустарын, нэһилиэктэрин аатын чиэстээхтик көмүскүүр бэриниилээх дьон буолан тахсалларыгар эрэнэбит.