Бүгүн муус устар 20 күнүгэр улуустааҕы кииннэммит библиотека ааҕар саалатыгар «Осторожно, мошенники!» диэн түөкүннээһинтэн көмүскэллээх буолуу туһунан тэрээһин буолан ааста.

Манна Смарт библиотека бэлэмнээбит видео-уруогун, киин библиотека үлэһиттэрэ бэлэмнээбит араас түөкүннээһиҥҥэ түбэһии туһунан түгэннэри сценкалаан көрдөрдүлэр. Бороҕоннооҕу Россельхозбанк салайааччыта Новогодина А.Л. банк картатын сөпкө туһаныыга, төлөпүөн нөҥүө араас дьайыыны оҥорбот туһугар үөрэттэ, билиһиннэрдэ. Ис дьыала отделыттан полиция лейтенана Бурнашев В.Г. түөкүннээһин хас да көрүҥҥэ арахсарын эттэ, сэрэхтээх буоларга иһитиннэрдэ. Инникитин истээччилэр ипотека уонна вычет араастарын туһунан тэрээһиннэр буолалларыгар баҕа санааларын эттилэр.