Кулун тутар 21 күнүгэр А.Р. Халдеева аатынан Бороҕон нэһилиэгин олохтоох библиотекатыгар «Алыптаах аартыгы дабайан» улууска үһүс саас оскуола тэриллибитэ 10 сыллаах юбилейыгар ананан тахсыбыт кинигэ сүрэхтэннэ.

Кинигэ сүрэхтэниитин үөрүүлээх чааһыгар оскуола филиалын 17 көхтөөх чилиэнэ үйэлээх кинигэни туттулар. Кинигэҕэ улууспут, нэһилиэкпит филиалларын 10 сыллаах үлэлэрэ, ситиһиилэрэ киирбиттэр. Үһүс саас оскуола бастыҥ чилиэннэригэр олохтоох дьаһалта аатыттан бочуотунай грамоталар, махтал суруктар туттарылыннылар. Тэрээһиҥҥэ үһүс саас оскуола кыттыылаахтарын истиҥ эҕэрдэлэрэ этилиннилэр, хомоҕой хоһоонноро ааҕылыннылар, ылбаҕай ырыалара ылланнылар. Бу истиҥ көрсүһүүттэн үһүс саас оскуола чилиэннэрэ астынан, дуоһуйан тарҕастылар.
Улууска үһүс саас оскуола тэриллибитэ 10 сылын бэлиэтиир үөрүүлээх күнүгэр нэһилиэк аҕам саастаахтара тэрээһиннээхтик кыттыыларыгар күүс-көмө буолбут нэһилиэкпит аҕа баһылыгар Василий Петровичка, солбуйар баһылык Марсен Семеновичка түмсүүбүт аатыттан улахан махталбытын тиэрдэбит.

Прудецкая Светлана