Кулун тутар 15 күнүгэр С.С.Васильев – Борогонскай аатынан улуустааҕы киин библиотека ааҕар саалатыгар СӨ норуодунай поэта Наталья Харлампьева, СӨ норуодунай суруйааччыта Семен Попов - Сэмэн Тумат, Россия суруйааччыларын сойууһун чилиэннэрэ уус-уран тылбаасчыт Альбина Борисова, прозаик биир дойдулаахпыт Данил Макеев ааҕааччылары кытта истиҥ көрсүһүүлэрэ буолла. Айар үлэлэрин, тылбаастарын ааҕааччыларга билиһиннэрдилэр, ирэ-хоро кэпсэттилэр.
Көрсүһүүгэ литератураны сэҥээрээччилэр, ааҕааччылар, "Уһуктуу" литературнай түмсүү чилиэннэрэ кыттыыны ыллылар.
Улуустааҕы киин библиотека үлэһиттэрин "Уран тыл алыба" бөлөҕө Наталья Харлампьева хоһооннорун истиҥник аахтылар.
Кемерово куоракка ыытыллыбыт кыһыҥҥы II спортивнай оонньууга «Азия оҕолоро» Өрөгөй ырыаны "Кэнчээри" оҕо норуодунай ансаамбылын толоруутун бүгүҥҥү тэрээһин кыттыылаахтара, ааптардар Галина Иванова, тылбаасчыт Альбина Борисова, салайааччы Василий Парников уонна ыалдьыттар долгуйа иһиттилэр. Ааҕааччылар ыйытыыларыгар толору хоруйу, сүбэни-аманы ылан үөрэн тарҕастылар. Инникитин өссө да маннык көрсүһүүлэр буола туруохтарыгар баҕа санааларын эттилэр