Кулун тутар 9 к. Дьокуускай куоракка Айыы кыһатыгар СР Государственнай мунньаҕын (Ил Түмэн) Председателин бастакы солбуйааччыта, норуот депутата А.Н. Жирков Аан дойду омуктарын эпическэй нэһилиэстибэлэрин сэргээччилэргэ, үөрэтээччилэргэ уонна киэҥ ааҕааччыга анан бэлэмнээн таһааттарбыт "Мэҥэ тойук" кинигэтин билиһиннэриитэ тэрилиннэ. Манна кыттыыны Уус Алдан улууһун администрациятын аатыттан кииннэммит библиотека тиһигин директора В.Н. Окоемова, улуустааҕы киин библиотекаттан краеведческай отдел сэбиэдиссэйэ О.Н. Павлова эҕэрдэлэрин, үтүө баҕа санааларын тиэртилэр. Кинилэр Александр Николаевич түбүктээх, улахан эппиэттээх үлэттэн быыс булан сахабыт норуотун туһугар оҥорор сөҕүмэр үлэтэ норуоппут духовнай сайдыытыгар, кини инникилээх, кэскиллээх, сайдыылаах буолуутугар туһуланарын бэлиэтээн эттилэр. Мустубут дьону Лөгөй нэһилиэгин орто оскуолатын үөрэнээччилэрин толорууларыгар олоҥхоттон быһа тардыы сэргэттэ.