Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

Оҕоҕо аналлаах кинигэ ааптардарыгар, кинигэни оҥорон таһаарааччыларга СӨ Национальнай библиотеката тэрийиитинэн ыытыллар норуоттар икки ардыларынааҕы "Белый мир Арктики через призмы детской книги" 2-с күрэҕэ түмүктэннэ.
Күрэс 9-с көрүҥҥэ ыытылынна. "Арктика уонна Хотугу дойду туһунан бастыҥ уус - уран айымньы" көрүҥҥэ биир дойдулаахпыт, суруйааччы, суруналыыс Иннокентий Сыроватскай - Дүөндүн "Бэйэм ааҕарым үчүгэйиэн" кинигэтэ кыайыылааҕынан таҕыста.


Түмүгү иһитиннэрэр үөрүүлээх тэрээһиҥҥэ Иннокентий Ильич быһа эфиргэ холбонон кытынна уонна күрэһи тэрийбит дьоҥҥо, кинини суруналыыс, суруйааччы быһыытынан күн бүгүҥҥэ диэри өйөөн кэлбит Ил Түмэн дьокутаата Александр Жирковка, кини айымньытын иһин куоластаабыт дьоҥҥо, «Айар» кинигэ кыһатын эрэдээктэригэр Марина Макееваҕа, кэргэнигэр Варвара Дмитриевнаҕа барҕа махталын эттэ.

Иннокентий Сыроватскай бу кинигэтин оҕо библиотекатыгар уонна электроннай библиотекаҕа ааҕыаххытын сөп.