Бүгүн, балаҕан ыйын 25 күнүгэр , Дьокуускай куоракка  П.А.  Ойуунускай аатынан бириэмийэ лауреата, поэт, публицист, государственнай уонна общественнай деятель С.С. Васильев - Борогонскай төрөөбүтэ 115 сылынан, төрөөбүт күнүгэр болдьоо "Кэриэстиир эн ааккын төрөөбүт норуотун" тэрээһин ыытылынна.

Тэрээһин чэрчитинэн поэт олорбут дьиэтигэр мемориальнай дуоска cаҥардылынна. Тэрээһиҥҥэ кыттыыны ыллылар кыыһа В.С. Васильева, оҕолоро, сиэннэрэ, аймахтара, Губинскай округ баһылыга Г.А. Огонерова, "Хотугу сулус " телерадиоакадемия директора Т.А. Гоголева, Суотту нэһилиэгин делегацията, үбүлүөйдээх тэрээһиннэр комиссиятын  бэрэссэдээтэлэ Е.Н. Гоголева, улуустааҕы кииннэммит библиотека тиһигин, Дьокуускай куорат библиотекатын кииннэммит тиһигин бэрэстэбиитэллэрэ.

Салгыы тэрээһин кыттыылаахтара Ильмен үрдүнэн туруйалар мемориальнай комплекска үөрүүлээх митини ыыттылар, поэт хоһоонун доргуччу аахтылар, сибэкки дьөрбөтүн уурдулар. Тэрээһини иилээн саҕалаан ыыппыт Татьяна Афанасьевна Гоголева эдэр көлүөнэ ыччат утуму удьуордаан поэт аатын үйэтитиигэ инникитин айымньылаахтык улэлииригэр баҕа санаатын эттэ.