Бэс ыйын 10 күнүгэр Суоттубут нэһилиэгэр биир бэлиэ суолталаах күн буолан ааста. Бу күн "Ситим" өрөспүүбүлүкэтээҕи тыа сирин сайыннарар сыаллаах эйгэ иһинэн үлэлиир нэһилиэк инники сайдыытын түстүүр "Ситим" киин үөрүүлээх арыллыытын тэрээһинэ ыытылынна. Тэрээһиҥҥэ кыттыыны ыллылар Дьокуускай куораттан "Индустрия будущего" коммерческайа суох общественнай тэрилтэ салайааччыта Иван Степанов уонна экспертэр, ыалдьыттарбыт -СӨ туризмы сайыннарыыга эксперт Наталья Тюкавкина, СӨ туризмы уонна территориальнай маркетины сайыннарар тэрилтэ генеральнай директора Дмитрий Громов уонна СӨ Култуураҕа уонна духуобунай сайдыыга миниистирин 1-кы солбуйааччыта В. В. Левочкин.

Программа быһыытынан кэлбит ыалдьыттар бастаан Суотту модельнай библиотекатыгар экскурсияҕа сырыттылар, ол кэннэ "Түһүлгэ" СК
"Ситим" эйгэ киинэ Суотту нэһилиэгэр арыллыытын сиэрэ-туома,
нэһилиэк уран тарбахтаахтаахтарын быыстапката, маастар-кылаастар ыытылыннылар .
Тэрээһин кыттыылаахтара "Ситим" эйгэ ис хоһоонун, үлэтин сүрүн хайысхаларын, соруктарын кытта билистилэр. Маны сэргэ нэһилиэк тэрилтэлэрин, олохтоохторун бырайыактарын иһиттибит, "Тыа сирин сайдыытын саҥа саҕахтара" дискуссионнай сессия ыытылынна.
Аһаҕас микрофон чааһыгар сэргэх кэпсэтии, санаа үллэстиитэ, инники үлэҕэ былааннары торумнааһын буолла, баҕа санаалар этилиннилэр.
Нэһилиэкпит сайдыытын саҕахтарын бииргэ түмсэн салайсыаҕын, "Ситим" киин тула сомоҕолоһуоҕуҥ.