Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

         Бу дьыл сэтинньи ый 8 күнүгэр биир дойдулаахпыт, ученай-историк, СР наукатын бочуоттаах үлэһитэ, историческай наука кандидата, ССРС наукатын Академиятын Сибиирдээҕи салаатын үтүөлээх бэтэрээнэ, сахалартан бастакынан Аҕа дойду Улуу сэриитин тематын үөрэппит Дмитрий Дмитриевич Петров төрөөбүтэ 100 сылын туолла. Бу тэрээһин тула улуус солбуйар баһылыга Борисов М.В. салалтатынан билиһиннэрии, үйэтитии үлэлэрэ былааннаахтык ыытылыннылар. Ол курдук: СР Национальнай библиотеката (дир. Максимова С.В.), улуустааҕы культура (нач. Аммосов И.И.) уонна үөрэх управлениелара (нач. Тарская И.М.), республика (предс. В.О. Иванов) уонна улуус ветераннарын Советтара (предс. Федоров О.Ф.), Баатаҕай нэһилиэгин дьаһалтата (баһылык Белолюбскай М.М.), оскуола

учууталлара, библиотекалар, музейдар үлэһиттэрэ буолан Дмитрий Дмитриевич олоҕун, үлэтин туһунан беседалары, аһаҕас уруоктары, төгүрүк остуоллары ыыттылар, интернет ситимин былаһааккаларыгар (зуумҥа, ютубка, электроннай библиотекаҕа, инстаграмҥа, сайтарга) элбэх көрдөрөр-иһитиннэрэр материаллары бэлэмнээн таһааран, дьон интэриэһин ыллылар. “Петровскай диктант” туһунан бырайыак ааптара Федорова М.К. аатынан Баатаҕай нэһилиэгин библиотекатын сэбиэдиссэйэ Пермякова А.П.

Бүлүүгэ А.И. Николаев аатынан бойобуой Албан Аат музейа (сал. К.Е. Саввина), И.Н. Ханды аатынан Бүлүү Тылгынытын орто оскуолата (дир. Д.Н. Николаева, оҕону иитэр үлэҕэ дир. солб. Е.Н. Иванова), С.М. Васильев аатынан Чернышескайдааҕы орто оскуола (дир. А.И. Фомин) иһинэн 2000 сыллаахха тэриллибит Бүтүн Россиятааҕы “Победа” байыаннай-спортивнай оонньуулар 4 төгүллээх кыттыылаахтара, республика “Снежный барс” уонна “Защитник Отечества” күрэхтэрин 15 төгүллээх кыайыылаахтара “Пламя” байыаннай-патриотическай клуб (сал. В.В. Протопопов), республика библиотекалара, оскуолалара билиһиннэрэр, көрдөрөр-иһитиннэрэр үлэни ыыттылар, диктаҥҥа көхтөөхтүк кытыннылар.

Ахсынньы 8 күнүгэр Бүтүн Россия үрдүнэн ыытыллар Геройдар күннэрин көрсө Дмитрий Дмитриевич Петров төрөөбүтэ 100 сылыгар аналлаах бүтүн республикатааҕы “Петровскай диктант” акция ыытылынна. Бу акцияҕа республика араас муннуктарыттан барыта 1598 киһи кыттыыны ылла. “Биһиги күүспүт түмсүүгэ” дииллэринии, бары биир санаанан түмсэммит, көҕүлээммит саха норуотугар сүдү үтүөлээх киһибит аатын үйэтитиигэ, үүнэр көлүөнэни патриотическай иитиигэ, норуоппут историятын үөрэтиигэ араар таһымнаах тэрээһиннэр ыытылыннылар.