Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

Ахсынньы 1 күнүгэр " Биир ньыгыл Россия " политическай партия үбүлүөйдээх 20 сылын көрсө, Кыайыы 75 сылыгар анаммыт "Биһиги - Улуу Кыайыыны үйэтитээччилэрбит. Мы - наследники Великой Победы" улууспут үөрэнээччилэрин илиилэринэн суруллубут үһүс кинигэ сүрэхтэниитэ zoom площадка нөҥүө буолла. Бу бырайыагы Уус Алдан

улууһун дьаһалтата, "Биир ньыгыл Россия" политическай партия Уус Алданнааҕы салаата, Үлэ, сэрии, сэбилэниилээх күүстэр, быраабы араҥаччылыыр органнар сэбиэттэрэ, Россия " Билии " уопсастыбатын улуустааҕы салаата, улуустааҕы үөрэх управленията, киин библиотека тэрийиитинэн ыытылынна. Бастакы кинигэ Улуу Кыайыы 65 сылын көрсө 2010 сыллаахха "Мүрү саһарҕата" айар - полиграфическай холбоһукка 300 экземплярынан, иккис кинигэ Улуу Кыайыы үбүлүөйдээх 70 сылын көрсө Дьокуускайга "Ридер" издательствоҕа 500 экземплярынан бэчээттэнэн тахсыбыта. Үһүс ахтыы - кинигэҕэ улууспут нэһилиэктэрит барыта 206 үөрэнээччи суруйуута киирэн, сахалыы - нууччалыы тылынан 300 ахсаанынан бэчээттэннэ. Кинигэ сүрэхтэниитигэр бырайыак автора Сталина Гуружаповна Данилова, бырайыак координатора, Уус Алдан улууһун депутаттарын сэбиэтин бэрэссэдээтэлэ Иван Иванович Колодезников, дьүүллүүр сүбэ бэрэссэдээтэлэ Наталья Васильевна Бурцева, улуустааҕы үөрэх управлениятын начальнига Ирина Михайловна Тарская, улуус бэтэрээннэрин сэбиэтин бэрэссэдээтэлэ Олег Федорович Федоров, үөрэнээччилэр ааттарыттан харда тылы Майаҕас орто оскуолатын 11 кылааһын үөрэнээччитэ Айталаана Пухова, улууспут оскуолатын үөрэнээччилэрэ, учууталлара, төрөппүттэрэ кыттыыны ыллылар. Ааспыт кэм, сэрии туһунан билиҥҥи ыччат билиэхтээх, үөрэтиэхтээх, аймахтарын, эһэлэрин, эбэлэрин сэрии кэминээҕи олохторун суруйан киэҥ эйгэҕэ таһаарбыта олус улахан суолталаах, махталлаах дьыала буолар.