Балаҕан ыйын 9 күнүгэр ZOOM-площадка ситимигэр С.С. Васильев-Борогонскай аатынан улуустааҕы киин библиотека “Албан ааттаах Лөгөйгө” диэн эйэлээх олоҕу түстээбит өркөн өйдөөх Лөгөй Тойоҥҥо анаммыт хоһоон хомуурунньугун сүрэхтэниитин тэрийэн ыытта.
Саха Автономията тэриллибитэ 100, Саха Сирэ Россия государствотын састаабыгар киирбитэ 390 сылын уонна Уус Алдан Бороҕон сэлиэнньэтигэр ыытыллыахтаах VIII Саха Сирин норуоттарын спортивнай оонньууларын көрсө хорсун Улуу киһибит Лөгөй Тойон туһунан хоһоону көҥүл айыы түмүгүнэн “Албан ааттаах Лөгөйгө” хомуурунньук “Кэскил” оҕо бэчээтин кыһатыгар сыһыарыы быһыытынан бэчээттэнэн таҕыста. Бу хомуурунньукка уопсайа 11 көҥүл санаалаах, суруйарга холонор дьон хоһоонноро түмүллэн кииирдилэр.
Хомуурунньук сүрэхтэниитигэр кыттыыны ыллылар: ХИФУ иһинэн үлэлиир сурук-бичик музейын директора, СР М.К. Аммосов аатынан Гос. Бириэмийэ лауреата, СР норуотун хаһаайыстыбатын үтүөлээх үлэһитэ, Уус Алдан улууһун бочуоттаах олохтооҕо А.В. Мигалкин; “Полярная звезда” сурунаал кылаабынай редактора, СР суруйааччыларын сойууһун бэрэссэдээтэлин солбуйааччы, СР культуратын үтүөлээх үлэһитэ В.С. Доллонов; Российскай Федерация, Саха АССР культураларын үтүөлээх үлэһитэ, ССРС, Cаха Өрөспүүбүлүкэтин культуратын туйгуна, Уус Алдан улууһун, Найахы, Мүрү нэһилиэктэрин бочуоттаах олохтооҕо, Россия үтүөлээх коллектива "КЭНЧЭЭРИ" оҕо ырыа-үҥкүү народнай ансамбылын төрүттээччитэ, салайааччыта В.С. Парников; СР народнай артыыһа, Уус Алдан улууһун бочуоттаах олохтооҕо В.И. Заболоцкай; “Албан ааттаах Лөгөйгө” хоһоон хомуурунньугун идеятын автора, “Кэскил” оҕо бэчээтин кыһатын сүрүн редактора, суруналыыс Т.И. Жиркова; Уус Алдан улууһун быһылыгын солбуйааччы М.В. Борисов; Уус Алдан улууһун культураҕа управлениетын начальнига И.И. Аммосов; И.Н. Жирков аатынан Дүпсүн орто оскуолатын директоры үөрэх-методическай чааһыгар солбуйааччы, саха тылын уонна литературатын учуутала, СР үөрэхтээһинин туйгуна Н.А. Сивцева; Лөгөй орто оскуолатын үөрэнээччилэрэ; РФ уопсай үөрэхтээһинин бочуоттаах үлэһитэ, РФ Президенин Гранын хаһаайына, пед. үлэ ветерана В.И. Бунашева; Уус Алдан улуһуун С.С. Васильев-Борогонскай аатынан улуустааҕы киин библиотека “Алгыс” кыраайы үөрэтэр отдел сэбиэдиссэйэ О.Н. Павлова; Уус Алдан улууһун С.С. Васильев-Борогонскай аатынан улустааҕы киин библиотека электроннай ресурса отделын библиотекара М. А. Сергеева, нэhилиэктэр библиотекардара, улуус краеведтара уонна биhиги саҥаны кэрэхсиир аа5ааччыларбыт.
