Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 
Национальнай библиотека  оҕо ааҕыытын киинин тэрээһининэн бүтүн Россиятааҕы, Өрөспүүбүлүкэтээҕи куонкурустарга нэһилиэк  библиотекалара  көхтөөх кыттыыны ылаллар. Сылын ахсын ыытыллар "Символы Якутии"  республиканскай олимпиада быйыл доруобуйа харыстабылыгар уонна спорт эйгэтигэр анаан ыытылынна. Уопсайа 547 оҕо олимпиада боппуруостарыгар эппиэттээтилэр.
Эһиил Өрөспүүбүлүкэбит төрүттэммитэ 100 сылын бэлиэтиэхпит. Бу бэлиэ кэмҥэ анаан,  "Саха сирэ: айылҕа, история уонна культура " медиауруок ыытылынна.
Манна оҕолор Сахабыт сирин айылҕатын, култууратын, Өрөспүүбүлүкэ күнэ төрүттэниитин туһунан бэсиэдэни иһиттилэр, санаа атастастылар, инники былааннарын торумнастылар.
Дойдубут сайдар кэскилин туһугар бары күүспүтүн, кылааппытын ууран туран үөрэниэҕиҥ, үлэлиэҕиҥ, бииргэ сомоҕолоһон үрдүк чыпчааллары ситиһиэҕиҥ диэн ыҥырабыт.
 
Улуустааҕы оҕо библиотеката