Саханы саха дэппит, автономияны төрүттэспит бөдөн государственнай деятель, учуонай, поэт, суруйааччы Платон Алексеевич Ойуунускай төрөөбүтэ 126 сылынан Таатта хаһыатын редакциятын көҕүлээһининэн Таатта улууһун делегацията «Өлөрү өйүнэн кыайбыта» проегынан  сэтинньи 11 күнүгэр, улууспутугар сэһэн-сэппэн кэһиилээх ыалдьыттаан бардылар. Ыалдьыттарбыт Кулантай аатынан литературнай музейга, П.А. Ойуунускай өйдөбүнньүгэр сибэкки дьөрбөтүн ууран, офиснай киин улахан саалатыгар төгүрүк остуол ыыттылар. «Саха автономиятын төрүттэниитигэр Уус Алданнар оруоллара» диэн темага улуус кыраайы үөрэтээччилэрин, музейдарын, библиотекаларын үлэһиттэрэ иһитиннэриилэри оҥордулар.