Саха Өрөспүүбүлүкэтин норуодунай поэта, оҕо аймах тапталлаах суруйааччыта, Россияҕа Сергей Есенин аатынан кыһыл көмүс, Николай Гумилев улахан үрүҥ көмүс мэтээллэрин хаһаайына, Саха Өрөспүүбүлүкэтин Президенин оҕо литературатыгар туһуламмыт Н.Е.Мординов - Амма Аччыгыйа аатынан бириэмийэтин лауреата Иван Васильевич Мигалкин төрөөбүтэ 65 сааһын көрсө олоҕун, айар үлэтин кэрэһилиир «Кустуктар куустунар алааспын» өрөспүүбүлүкэтээҕи литературнай викторинаҕа 82 үөрэнээччи кыттыыны ылла. Ол курдук Үөһээ Дьааҥы, Булуҥ, Кэбээйи, Үөһээ Бүлүү, Бүлүү, Ньурба, Горнай, Сунтаар, Чурапчы, Таатта, Нам, Уус-Алдан улууһуттан, Дьокуускай куораттан көхтөөхтүк кытыннылар.

Биһирээтибит, хайҕаатыбыт

Биктэриинэ 24 боппуруостан турар. Кыттааччылар биктэриинэ боппуруостарыгар толору эппиэти биэрбиттэр. Сорох аа5ааччылар боппуруостарга сыһыаран хаартысканан, кинигэнэн көрдөрөн эппиэттээбиттэрэ үлэни тупсаран, киэргэтэн биэрбиттэрэ кэрэхсэбиллээх.

Биктэриинэ 15-с боппуруоһугар, И.В.Мигалкин хас сыллаахха уонна туох иһин Саха Өрөспүүбүлүкэтин Президенин Н.Е.Мординов – Амма Аччыгыйа аатынан бириэмийэни ылбытай ? диэн ыйтыыга үгүс кыттааччы 2012 сыл диэбит. Бу сыл СР Президенэ Борисов Е.А. Амма Аччыгыйа аатынан бириэмийэни олохтуурга уурааҕын буккуйан эппиэттээбиттэр. Сөптөөх эппиэт: 18.01.2013 сыллаахха ылбыт.

Биктэриинэ 16-с боппуруоһугар, сахалыы,нууччалыы тылынан тахсыбыт хоһоонунан кинигэтин аата? диэн боппуруоска үс кинигэни ааттаабыттар. Эппиэтэ : оҕолорго анаммыт «Оһуор ойуу оҥоойук. Расписной туесок» - 2014 с.

Кыайыылаахтар

Биктэриинэ ыйытыктарыгар эппиэти сыымайдаан , сыаналаан, ырытан көрдүбүт. Оҕолор улуус, нэһилиэк библиотекатыгар поэт Иван Мигалкин кинигэлэрэ аҕыйах баара хомотор диэн санаааларын үллэстэллэр. Холобура, Бурнашева Айгыына (6 кылаас, Лөгөй орто оскуолата ,Кэптэни бөһ, Уус-Алдан улууһа) биктэриинэҕэ кыттарбар элбэҕи аахтым , поэт туһунан үгүс интэриэһинэйи биллим , наһаа элбэх кинигэни суруйбутун сөхтүм, коллекцията элбэҕиттэн олус соһуйдум,маннык талааннаах киһини кытары биир улууска төрөөбүппүнэн киэн туттабын уонна инникитин Иван Васильевичка айар үлэтигэр өссө үрдүк ситиһиилэри баҕарабын диэн бэрт сэргэхтик ,истиҥник суруйбутун бэлиэтиэҕи баҕарыллар.

Кыттааччылар ол да буоллар боппуруостарга толору эппиэттии сатаабыттар.

Республиканскай биктэриинэ кыайыылаахтарынан буоллулар :

1-4 кылаас икки ардыларыгар

I миэстэни Макарова Софи (4 кылаас , Хамаҕатта, Нам улууһа ) ,

II миэстэни Федорова Юлиана (2 кылаас,Күүкэй , Сунтаар улууһа) ыллылар.

5-8 кылаас икки ардыларыгар :

I миэстэҕэ Каратаев Дьулусхан (6 “в” кылаас, Дьокуускай куорат №17 –дээх оскуолата) ,

II миэстэҕэ Антипин Тимур (6 “в” кылаас, Дьокуускай куорат №17 –дээх оскуолата),

III миэстэҕэ Малышева Дарина (5 кылаас , Ытык-Күөл,Тааттатааҕы лицей) тигистилэр.

9-11 кылаас икки ардыларыгар

I миэстэҕэ Васильева Сардаана (11 кылаас, Кыргыдай орто оскуолата , Бүлүү улууһа),

II миэстэҕэ Тихонова Саргылана (11 кылаас, Хорообут орто оскуолата, Мэҥэ Хаҥалас),

III миэстэҕэ Текеянова Женя (10 кылаас . Маҕарас орто оскуолата , Горнай улууһа) таҕыстылар.

Дьүүллүүр сүбэ биктэриинэ эппиэттэрин уратытык, сонуннук эппиэттэбиттэри Бурнашева Айгыына (6 кылаас, Лөгөй орто оскуолата ,Кэптэни бөһ, Уус-Алдан улууһа) , Васильева Сардаана (11 кылаас, Кыргыдай, Бүлүү улууһа) , Таатта улууһун Хара Алдан орто оскуолатын 6,7 кылааһын үөрэнээччилэрин үлэлэрин бэлиэтээн махталын тиэрдэр. Ол курдук, кинилэр эппиэттэригэр сыһыаран, суруйааччы кинигэлэрин, хаартыскалары, библиографията, туһаныллыбыт литературата ыйыллыбыта –о5олор бэйэлэрэ хасыһан көрбүттэрин туоһулуур дии саныыбыт.

 «Кустуктар куустунар алааспын» республиканскай биктэриинэҕэ кыттыбыт о5олорго махтанабыт, народнай поэт Иван Васильевич Мигалкин олоҕун, айар үлэтин ааҕан билэн, хасыһан эппиэттээбиккит улахан хайҕаллаах суол!