«Лена» совхоз күүрээннээх үлэ өрөгөйө» кинигэ, хаартыскалар, докумуоннарбыыстапкалара, совхозтар кэминээҕи «Кыһыл  муннук», лозуннар оҥоһуллан кэлбит дьон болҕомтотун тартылар.

2018 сылга улууска тахсыбыт «Сельское хозяйство Усть-Алданского улуса» кинигэни улуустааҕы киин библиотека кылаабынай библиографа Борисова М.Н. билиһиннэрдэ. Салгыы тэрээһин зрительнай саалаҕа буолла. Кинигэни ырытар чаас Суотту нэһилиэгин баһылыга Иванов В.И.​ тыл этиитинэн саҕаланна. Кинигэ библиографическай ырытыытын улуустааҕы киин библиотека ааҕааччыны кытта үлэ салаа сэбиэдиссэйэ Аммосова Г.В. оҥордо. Кинигэни бэчээккэ бэлэмнээн таһаартарбыт Сивцев В.В. - Баһылай Мүрү, кинигэ тахсыытыгар үлэлэспит Оллонов Н.Н., «Лена» совхоз директора Охлопков С.Г. олоҕун аргыһа Кулаковская Р.Р., кинигэ ахтыыларын хомуйууга үлэлэспит Данилов В.И., «Лена» совхоз  үлэһиттэрэ Суоттуттан Свинобоева А.Н., Тумултан Дьяконов Р.М., Сыырдаахтан, Бэйдиҥэттэн Сивцев Н.Н. тыл эттилэр, кинигэ авторыгар, кинигэ тахсыытыгар үлэлэспит дьоҥҥо махталларын биллэрдилэр, совхозка үлэлээбит сылларын истиҥник аҕыннылар.

Кинигэ сүрэхтэниитин кэнниттэн итии чэйдээх остуол тула олорон истиҥ кэпсэтии таҕыста. Тэрээһини Суотту нэһилиэгин библиотекаларын үлэһиттэрэ Черкашина Р.Н., Осипова И.А. иилээн - саҕалаан ыыттылар.

Маны сүрүннээтилэр "Лена" совхозка үлэлээн ааспыт дьоммут Данилов В.И., Охлопков Е.Е.

Тэрээһин кэрэхсэбиллээхтик ыытылларыгар үлэлээтилэр Суотту нэһилиэгин    библиотекалара уонна "Түһүлгэ" СК үлэһиттэрэ Бубякина В.С., Федоров Е.Е., социальнай үлэһиттэр Тарасова Т.И., Алексеева З.А., тыа хаһаайыстыбатын специалиһа Заровняева З.Т., Уус Алданнааҕы техникумтан Заболоцкая А.И.

Махтал буоллун ахтыы кинигэни сыралаһан таһаартарбыт, биир дойдулаахтарбытыгар Николай Николаевич Оллоновка , Василий Васильевич Сивцевка.