Тохсунньу 18 күнүгэр 2018 сыл түмүгүнэн улуус култууратын үлэһиттэрин бастыҥнарын чиэстээтилэр. Бу күн бастыҥнары улуус дьаһалтатын баһылыга А.В. Федотов, Ил Түмэн дьокутаата Г.А. Васильев, улуустааҕы култуура салалтатын начаалынньыга И.И. Аммосов, култуура үлэһиттэрин идэлээх сойуустарын бэрэссэдээтэлэ Г.В. Аммосова эҕэрдэлээтилэр. Маҥнай култуура эйгэтин үлэһиттэригэр өр кэмнээх сыралаах үлэлэрин иһин тустаах наҕараадалары, бочуоттаах грамоталары, түөскэ кэтиллэр бэлиэлэри туттартаатылар.

Ол курдук, «Бибилэтиэкэ үлэтигэр бастыҥ ситиһии» анал аат – улуустааҕы кииннэммит бибилэтиэкэ тиһигин иһитиннэрэр мэтэдиичэскэй салаата (сэбиэдиссэй Февронья Гаврильевна Федорова) ааттанна,

«Үлэҕэ айымньылаах сыһыан» анал аат – Марианна Федосиевна Федотова, кииннэммит бибилэтиэкэ тиһигин кинигэнэн хааччыйар салаа кылаабынай бибилэтиэкэрэ

«Идэҕэ эрэллээх буолуу» анал аат – Зоя Ивановна Данилова, улуустааҕы кииннэммит бибилэтиэкэ Библиографическай-билсэр салаатын сэбиэдиссэйэ ааттаннылар.

Маннык наҕарааданы култуура эйгэтин 20 бастыҥ үлэһитэ тутта.

Түмүккэ Уус Алдан культуратын начальнига И.И. Аммосов үүммүт 2019 саҥа сыл Россияҕа Театр сылынан, өрөспүүбүлүкэҕэ сомоҕолоһуу, улууспутугар Геройдар сыллара биллэриллибитинэн улуус культуратын үлэһиттэрэ өссө айымньылаахтык, таһаарыылаахтык үлэлииргэ соруктанан үлэни – хамнаһы ыытыахпыт диэн эрэннэрэн туран тыл эттэ.