Алтынньы 5 күнүгэр Суотту нэһилиэгэр «Суоттулар сэрии сылларыгар» кинигэ сүрэхтэниитэ үөрүүлээх быһыыга –майгыга буолан ааста.
1995 сыллаахха олохтоох кыраайы үөрэтээччи И.И. Пирожков, журналист П.В. Пермяков – Тэлэкэ хомуйан таһаарбыт кинигэлэрин саҥардан, тупсаран, матырыйаалын эбэн иккис тыыны биэрдилэр. Кинигэ тираһа 200, 320 страницалаах. Ону таһынан аныгы кэм сиэринэн кинигэ электроннай варианынан диискэҕэ тахсыбыта эмиэ туспа үөрүүлээх буолла. Кинигэ иккистээн тахсыытыгар Суотту библиотекатын сэбиэдиссэйэ Раиса Николаевна Черкашина, Хоноҕор библиотекатын сэбиэдиссэйэ Ирина Аркадьевна Осипова сыралаһан үлэлэстилэр. Үөрүүлээх тэрээһини Раиса Николаевна иилээн-саҕалаан ыытыста.