Күндү биир идэлээх коллегабытын, өр сылларга Хоноҕор библиотекатын сэбиэдиссэйинэн үлэлээбит ытыктыыр ветераммытын Фаина Николаевна Ширяеваны улуустааҕы кииннэммит библиотека тиһигин коллективын уонна ааҕааччыларын ааттарыттан бүгүҥҥү үбүлүөйдээх дьоро күҥҥүнэн итиитик-истиҥник эҕэрдэлиибит! 

Идэҕэр олус бэринилээх үлэһит араас сылларга бастыҥ бибилэтиэкэр, элбэх куонкурустар кыайыылаахтара үрдүк ааты сүкпүтүҥ, ол түмүктэрэ – элбэх ахсааннаах наҕараадаларын туоһулууллар. Сыралаах үлэҥ таһынан нэһилиэк олоҕор тутаах киһи буолан, түөлбэ үлэтин салайсан, дьахтар уопсастыбаннай хамсааһынын көхтөөх чилиэнэ, саха фольклорун тарҕатыыга "Илгэ" ансаамбылга дьарыктанан кылааккын киллэрбитин, киллэрсэҕин. Куруук үөрэ-көтө сырдыгынан сыдьаайа сылдьар коллегабытынан киэн туттабыт, бииргэ үлэлээбит кэмнэрбитин күндүтүк саныыбыт.

Күндү Фаина Николаевна, баҕарабыт эйиэхэ уонна эн дьиэ-кэргэҥҥэр саха алмааһыныы кытаанах доруобуйаны, үгүс үөрүүлээх күннэри, өссө да уһун кэмҥэ эдэрдии эрчимҥнин сүтэрбэккэ олох үөһүгэр сылдьаргар, санаабытын сатаннын, толкуйдаабытын тобуллан истин, ыралаабытын ыпсан истин диэн алгыспытын аныыбыт.

Ф.Н. Ширяеваҕа анаммыт "Библиотека-барыбыт киэн туттуута" биэрии: https://rutube.ru/video/e52553cf1a24bb6dc6e85c01dc836868/?r=plwd 

Уус Алдан улууһугар библиотека 70 с. юбилейыгар С.С. Васильев-Борогонскай "Барыта оҕолор иһин" хоһоонун ааҕар Ф.Н. Ширяева, 1994 с. - https://rutube.ru/video/93ed1f9f62d4ca76c31ba055d8c8623c/?r=plwd 

Ф.Н. Ширяева туһунан "Уус-Алдан улууһун кииннэммит библиотека тиһигин ветераннара: ахтыылар, ыстатыйалар хомуурунньуктара" кинигэ 222-229 сирэйдэригэр билсиэххитин сөп: https://books.uacbs.ru/books/culture/Biblioteka_veterannara/mobile/index.html#p=234